سیر و سیاحت کرنا ایک شاندار مشغلہ ہے جو زندگی کا خوشگوار ترین تجربہ بن سکتا ہے۔ سفر کی یادوں کو اکثر تصاویر میں محفوظ کیا جاتا ہے، بعض افراد اسے مزید یادگار بنانے کے لیے سفر نامہ بھی لکھ ڈالتے ہیں۔
تاہم انا اسٹرٹکو نامی ایک خاتون نے اپنے سفر کی روداد کو کچھ انوکھے انداز میں پیش کیا۔
انا نے مختلف مقامات کا سفر کیا اور وہاں کی خوبصورت تصاویر کھینچیں۔ لیکن بعد میں ان تصاویر میں ایک گڈا اور گڑیا بھی شامل کردیا۔
یہ گڈا اور گڑیا خود انا اور ان کا دوست تھا، اب ان تصاویر کو دیکھ کر یوں لگتا ہے جیسے دو اینی میٹڈ کردار اصل زندگی میں آگئے اور سیر و تفریح کر رہے ہیں۔
انا کہتی ہیں کہ وہ نہیں چاہتی تھیں کہ وہ اس خوبصورت سفر کی تصاویر کو لیپ ٹاپ میں رکھ کر بھول جائیں، وہ انہیں مزید یادگار بنانا چاہتی تھیں اور وہ اس کوشش میں کامیاب بھی رہیں۔
آپ بھی انا کی یہ تصاویر دیکھ کر بتائیں کہ سفر کی یادوں کو محفوظ رکھنے کا یہ طریقہ آپ کو کیسا لگا۔
