اشتہار

چین کا قومی دن آج منایا جارہا ہے، بیجنگ میں سیکیورٹی ہائی الرٹ

اشتہار

حیرت انگیز

بیجنگ : چین میں قومی دن کے موقع پر دارالحکومت بیجنگ میں سیکیورٹی ہائی الرٹ ہے، سڑکوں پر پولیس کی نفری میں اضافہ کردیا گیا ہے جبکہ شہر میں ڈرون اڑانے پر بھی پابندی عائد کی گئی ہے۔

غیرملکی خبررساں ادرے کے مطابق چین میں آج یکم اکتوبر کوقومی دن کے موقع پر تیانمن اسکوائر پر بڑے پیمانے پر ملٹری پریڈ کی جارہی ہے، جس میں 15 ہزار اہلکار، 160 سے زائد ایئر کرافٹ500 سے زائد جنگی سامان شامل ہوگا۔

قومی دن کے موقع پر شہر میں سیکیورٹی ہائی الرٹ ہے، تیانمن اسکوائر کے ارد گرد کی سڑکیں بند ہیں جبکہ شہر میں ڈرون کے ساتھ کبوتر اور پتنگیں اڑانے پر بھی پابندی لگائی گئی ہے۔

- Advertisement -

چینی حکام کی خواہش ہے کہ اس بار شاندار فوجی پریڈ کو پورا چین اپنے ٹی وی سیٹ پر دیکھے اور اس کے لیے انتہائی غریب گھرانوں میں 6 لاکھ سے زائد ٹی وی تقسیم کیے گئے ہیں۔

واضح رہے کہ بیجنگ میں گزشتہ ماہ سے سیکیورٹی اہلکاروں کی پریڈ کی ریہرسل جاری تھی۔

ایک پریڈ کی بھرپور تیاریاں جاری ہیں تو دوسری طرف حکومت کو یہ احساس ہوا کہ اگر اس منظر سے خود چینی عوام محروم رہے تو اس کا کوئی فائدہ نہیں۔

اسی بنا پر مختلف حکومتی محکموں نے چین میں مقامی طور پر بنے 32 انچ ایل ای ڈی ڈسپلے غریب گھرانوں میں تقسیم کرنا شروع کردیئے ہیں۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں