اسلام آباد: پاکستان نے بھارتی وزارت خارجہ کا وزیر اعظم سے متعلق بیان مسترد کرتے ہوئے کہا ہے کہ بھارت سفارت کاری اور نارمل حالات کے بھاشن اپنے پاس رکھے.
ترجمان دفتر خارجہ نے کہا ہے کہ وزیر اعظم کے کشمیر سے متعلق بیان پر بھارتی ردعمل مسترد کرتے ہیں.
[bs-quote quote=” وزیر اعظم کے کشمیر سے متعلق بیان پر بھارتی ردعمل مسترد کرتے ہیں” style=”style-8″ align=”left”][/bs-quote]
بھارتی بیان مقبوضہ کشمیرمیں ریاستی دہشت گردی کی عکاسی کرتا ہے، بھارتی جبر سے متاثر کشمیریوں کے لئے آواز اٹھانا اخلاقی ذمہ داری ہے.
انھوں نے کہا کہ بھارت انتہاپسندانہ نظریات کی بالادستی کے لئے سچ کا سامنا کرنے سے گریزاں ہے، بھارت خود کو ایک نارمل ریاست ثابت کرناچاہتا ہے، بھارت دنیا کو بتائے کیوں نارمل ریاست میں 80 لاکھ افراد محصور کر رکھے ہیں.
مزید پڑھیں: جو بھی ایل او سی پار کرے گا وہ بھارتی بیانیے کے ہاتھوں میں کھیلے گا، وزیراعظم
ترجمان کے مطابق دو ماہ سے زائدعرصے سے لاکھوں افراد کھلے پنجرےمیں بند ہیں، لاکھوں کو محصور کر کے ’’ہر چیز ٹھیک ہے‘‘ کا تاثر اور دعویٰ کس کو دکھانے کے لئے ہے.
کون سی ریاست میں گائے ذبح کے نام پر تشدد سے قتل کی کھلی اجازت ہے، کس نارمل ریاست میں ’’گھر واپسی‘‘اور’’لو جہاد‘‘کو ہوادی جاتی ہے.
