حیدرآباد: بھارت میں انتہاپسند ہندوؤں نے نفرت انگیز کارروائیوں کے بعد مسلمانوں کو ستانے کانیا طریقہ اپنا لیا۔ طرح طرح سے عزیت دینے والے انتہا پسند ہندو نت نئے انداز میں مسلمانوں کی تضحیک کرنے لگے۔
تفصیلات کے مطابق خلیجی میڈیا میں شائع ہونے والی رپورٹ میں بتایا گیا ہے کہ بھارت کی جنوبی ریاست تلنگانا میں ایک ہندوں نے مسلمان ڈیلیوری بوائے سے کھانا وصول کرنے سے انکار کردیا۔
ریاستی دارالحکومت حیدرآباد میں ایک آن لائن فوڈ کمپنی پر صارف نے اپنا آرڈر بک کروایا ، جب ڈیلیوری بوائے مطلوبہ پتہ پر کھانا لے کر پہنچا تو صارف نے صرف اس بنیاد پر کھانا لینے سے صارف انکار کر دیا کہ ڈیلیور کرنے والے لڑکا مسلمان تھا۔
یہ بھی پڑھیں: بھارت، ہندو انتہا پسندوں کا راج، رفع حاجت کرنے پر 2 دلت بچے قتل
ڈیلیوری بوائے مدثر نے سارا معاملہ مالک کو بتایا جس پرکمپنی نے صارف اجے کمار کے خلاف مقامی تھانے میں مقدمہ درج کروادیا۔شکایت کنندہ مدثر کی مدعیت میں درج کیے گئے مقدمے میں انڈین پینل کوڈ کے متعلقہ سیکشن کی دفعات شامل کی گئی ہیں.
پولیس کا کہنا ہے کہ وہ اس معاملے کی تفتیش کررہی ہے اور تمام پہلوؤں سے تحقیقات جاری رکھے ہوئے ہے تاہم اب تک ملزم اجے کمار کے خلاف کوئی کارروائی عمل میں نہیں لائی گئی اور نہ ہی کوئی جرمانہ کیا گیا ہے۔
