نئی دہلی : بھارت میں ایک بیل 40 گرام سونے کے زیورات کھا گیا، جس پر مالک نے گوبر کے ذریعے اپنے زیور ملنے کی امید باندھ لی اور خاتون مالک دن رات آﺅ بھگت میں مصروف ہیں۔
تفصیلات کے مطابق بھارت کی ریاست ہریانہ کے علاقے کلنوالی میں ایک واقعہ پیش آیا ،جہاں ایک خاتون نے 40 گرام سونے کے زیورات بے دھیانی میں ایک برتن میں رکھ دیے اور سبزی کاٹنا شروع کردی۔
خاتون نے سبزی مکمل طور پر کاٹنے کے بعد سبزی کا کچرا زیورات والے برتن میں رکھ دیا ، جس کی وجہ سے برتن میں رکھے ہوئے سونے کے زیورات اس کچرے کے نیچے دب گئے۔
خاتون نے سبزی کے کچرے والا برتن بیل کے آگے ڈال دیا، جس کے بعد بیل سبزی کے ساتھ ساتھ 40 گرام سونے کے زیورات بھی ہضم کھا گئی ، تھوڑی دیر بعد جب خاتون کو برتن میں زیورات کا خیال آیا تو بیل کی جانب سے زیوارت کھانے کا پتا چلنا۔
جس کے بعد دونوں نے بیل کو ڈھونڈا اور ڈاکٹر کے پاس لے گئے لیکن ڈاکٹر نے اس حوالے سے ان کی کوئی مدد کرنے سے انکار کردیا تو انہوں نے بیل کو گھر کے نزدیک ہی باندھ دیا اور اسے خوب کھلانا پلانا شروع کردیا۔
جس سے انہیں یہ امید ہے کہ پیٹ بھر کھانے کے بعد بیل جب گوبر کرے گا تو انہیں زیوارت واپس مل جائیں گے۔
