اسلام آباد : معاون خصوصی برائے اطلاعات فردوس عاشق اعوان نے کہا ہے کہ دعا ہے نواز شریف جلد صحت مند ہوں تاکہ واپس آکرقانون کاسامنا کر سکیں، وزیراعظم نےانسانی احترام اور قانون کی بالادستی کی مثال قائم کی، عمران خان کوہرانےکی کوشش کرنےوالے ان سےہارے اور آئندہ بھی ہاریں گے۔
تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر نواز شریف کی بیرون ملک روانگی کے حوالے سے کہا دعاگو ہیں، اللہ نواز شریف کو صحت کاملہ عطا فرمائے اور وہ جلد صحت مند ہوں تاکہ واپس آکرقانون کاسامنا کر سکیں، وزیراعظم نےانسانی احترام اور قانون کی بالادستی کی مثال قائم کی۔
دعا گو ہیں کہ اللہ تعالی محمد نواز شریف کو صحت کاملہ عطا فرمائے۔انکی تندرستی کے لیے دعا کرتے ہیں کہ وہ جلد صحت مند ہوں تاکہ واپس آکر قانون کا سامنا کر سکیں ۔وزیراعظم عمران خان نے اپنے طرزِ عمل سے انسانی احترام اور قانون کی بالادستی کی ایک روشن مثال قائم کی ہے۔
— Firdous Ashiq Awan (@Dr_FirdousPTI) November 19, 2019
فردوس عاشق اعوان کا کہنا تھا کہ عمران خان ملکی ترقی اورعوامی خوشحالی کےمشن پرکاربندہیں، آنے والے دنوں میں عوامی ریلیف کےلیےبڑے ایکشن سامنے آئیں گے اور معیشت کی بحالی کے ساتھ عوام کےلیے آسانیاں بڑھتی جائیں گی۔
وزیراعظم عمران خان ملکی ترقی اور عوامی خوشحالی کے مشن پر کاربند ہیں۔آنے والے دنوں میں عوامی ریلیف کے لیے بڑے ایکشن سامنے آئیں گے۔معیشت کی بحالی کے ساتھ ساتھ عوام کے لیے بھی آسانیاں بڑھتی جائیں گی۔
— Firdous Ashiq Awan (@Dr_FirdousPTI) November 19, 2019
معاون خصوصی نے مزید کہا کہ عمران خان کوہرانےکی کوشش کرنےوالے ان سےہارے آئندہ بھی ہاریں گے، ایک طرف مافیاہے تو دوسری جانب عمران خان کی قیادت میں عوام ہیں۔
عمران خان کو ہرانے کی کوشش کرنے والے ہمیشہ ان سے ہارے ہیں،آئندہ بھی ہاریں گے۔ایک طرف مافیا ہے تو دوسری جانب عمران خان کی قیادت میں عوام ہیں۔
— Firdous Ashiq Awan (@Dr_FirdousPTI) November 19, 2019
یاد رہے فردوس عاشق اعوان کا کہنا تھا کہ احتساب کو یرغمال بنانے کیلئے وزیر اعظم کو ٹارگٹ کیا جارہا ہے، نواز شریف کوئی گولڈ میڈل یا ٹرافی جیت کر جیل میں نہیں گئے تھے، طویل مشاورت کے بعد انسانی ہمدردی کی بنیاد پر کابینہ نے فیصلہ کیا، مشاورتوں میں ن لیگ نمائندے بھی شامل تھے۔
معاون خصوصی نے کہا تھا کہ کسی بھی بیمار شخص کیلئے بہتر جگہ اسپتال ہوتی ہے گھر نہیں، حکومت نے نوازشریف کی صحت کیلئے سہولت دینے کا فیصلہ کیا، حکومت کی جانب سے ون ٹائم جانے کی سہولت دی گئی۔
