نئی دہلی : بھارتی شہر حیدرآباد دکن میں واقع ایک مندر میں شہری اپنے بھگوان کی پوجا پاٹ کرنے اور معافی مانگنے کے بعد اس کا تاج چرا کر فرار ہوگیا۔
تفصیلات کے مطابق بھارت میں شہریوں نے اپنے بھگوان کو بھی نا چھوڑا، حیدرآباد دکّن میں واقع درگا بھاوانی مندر سے ایک چور بھگوان کا تاج لے اڑا۔ مذکورہ مندر کی روایت کے مطابق چور نے مندر میں داخل ہونے کے بعد گول گول گھوم کر پوجا کی اور اسی دوران کان پکڑ کر جھک کر معافی بھی مانگی۔
سوشل میڈیا پر جاری ہونے والی ویڈیو میں دیکھا جاسکتا ہے کہ چور کچھ منٹوں تک روایتی انداز سے پوجا مصروف رہا اور پھر مندر میں نصب مورتی کے سر تاج اتارا اور اسے اپنے کپڑوں میں چھپا کر فرار ہوگیا۔
A CCTV footage of a theft at Durga Bhavani Mandir in Gunfoundry, Secunderabad. A crown of Durga mata was stolen from the temple. Interesting to see how the thief apologizes first to the mata, prays and then steals the crown. Case registered, investigation underway. #Hyderabad pic.twitter.com/kZ06DZpI4W
— Paul Oommen (@Paul_Oommen) November 21, 2019
سی سی ٹی فوٹیج میں دیکھا جاسکتا ہے کہ چور مندر سے تاج چوری کرنے کے بعد آرام سے اپنی موٹر بائیک پے سوار ہوکر جارہا ہے۔
مقامی پولیس کے مطابق مندر میں چوری کرنے سے پہلے چور نے اس بات کا اندازہ لگایا کہ وہاں کوئی اور موجود تو نہیں ہے اور اس دوران مندر کا پنڈت بھی موجود نہیں تھا، اس نے خالی مندر پا کر یہ واردات کی جبکہ چوری ہونے والا تاج 35 تولہ چاندی کا بنا ہوا تھا اور اس کی قیمت 10 ہزار روپے تھی۔
پولیس کا کہنا تھا کہ مقامی افراد کا مندر سے مورتی کا تاج چوری ہونے پر احتجاج جاری ہے اور پولیس گلی محلوں میں اس چور کا سراغ لگانے کے لیے تفتیش کر رہی ہے۔
