میکسیکو سٹی: میکسیکو سے تعلق رکھنے والے جوڑے نے اسلامی حقائق سے متعلق نشر ہونے والا ڈرامہ دیکھ کر دین اسلام قبول کرلیا۔
غیر ملکی خبررساں ادارے کی رپورٹ کے مطابق نو مسلم جوڑے نے ترکی کے مشہور تاریخی ڈرامے ارطغرل کو دیکھ کر دین اسلام قبول کرنے کا فیصلہ کیا۔
غیر مسلم جوڑے نے ارطغرل ڈرامے میں عبدالرحمان ایلب کا کردار ادا کرنے والے اداکار جلال آل کی تقریر سن کر اسلامی تاریخ پڑھنے، عثمانیہ سلطنت کے بارے میں جاننے اور ثقافت سمجھنے کے لیے ڈرامہ دیکھا۔
اسلام قبول کرنے والے جوڑے کا کہنا تھا کہ ڈرامہ ارطغرل دیکھنے کا موقع ملا اور اسی دوران اللہ کی وحدانیت اور اس کے رسول کی حقیقت کا یقین ہوگیا تھا۔
نو مسلم جوڑے نے لاس اینجلس میں دو روز قبل ہونے والے مسلم امریکن سوسائٹی کے 22 ویں اجلاس میں اداکار جلال سے ملاقات بھی کی اور اسلام قبول کرنے کا اعلان کیا۔
Allahu Akbar! The #Mexican couple were inspired to look into #Islam after watching the famous #Ertugrul TV series. And here they are saying the shahada with the actor who played Abdur Rahman, an alp of Ertugrul.
Subhan’Allah. May Allah accept from him and keep them firm. pic.twitter.com/wXhdN9GamJ
— Muslim Council HK (@muslimcouncilhk) December 2, 2019
اس موقع پر عبدالرحمان ایلب نے جوڑے کو اسپین اور انگریزی زبان کے ترجمے والے قرآن مجید کا تحفہ پیش کیا جسے انہوں نے بخوشی قبول کیا اور ساتھ میں شکریہ بھی ادا کیا۔
