عام طور پر کرکٹ میچ موسم یا قدرتی وجوہات کی بنا پر روکا جاتا ہے مگر گزشتہ روز ہونے والے میچ کو بن بلائے مہمان کی وجہ سے روکنا پڑا۔
یہ بن بلایا مہمان کوئی تماشائی نہیں بلکہ ایک سانپ تھا جو پچ کے قریب ہی گھانس پر رینگ رہا تھا اور جیسے ہی امپائر کی اس پر نظر پڑی تو انہوں نے کھیل روکنے کا اشارہ کیا جس کے بعد کھلاڑی بھی سانپ کو دیکھتے رہے۔
بھارتی میڈیا رپورٹ کے مطابق رنجی ٹرافی کے تحت آندرا اور ودربھا کی ٹیموں کے مابین میچ کھیلا جارہا تھا تو اسی دوران سانپ اسٹیڈیم میں بل بلاتا ہوا نظر آیا۔
فیلڈنگ پر کھڑے تمام کھلاڑی خودکو بچانے کے لیے ایک جگہ پر جمع ہوگئے جبکہ امپائرز اور بلے بازوں نے بھی وہاں سے دور ہٹنے کو ہی غنیمت جانا جبکہ چند کھلاڑیوں اور گراؤنڈ اسٹاف نے تالیاں بجا کر سانپ کو وہاں سے بھاگیا۔
SNAKE STOPS PLAY! There was a visitor on the field to delay the start of the match.
Follow it live – https://t.co/MrXmWO1GFo#APvVID @paytm #RanjiTrophy pic.twitter.com/1GptRSyUHq
— BCCI Domestic (@BCCIdomestic) December 9, 2019
سانپ کی وجہ سے چند منٹ میچ کو روکنا پڑا اور جیسے ہی یہ باہر چلا گیا تو دونوں ٹیموں نے ایک بار پھر کھیلنا شروع کردیا۔
