اسمارٹ فون پر کارٹون یا دیگر چیزیں دیکھنے والے بچوں کے لیے موبائل ایپ متعارف کرادی گئی جو بالکل فری ڈاؤن لوڈ کی جاسکتی ہے۔
موبائل ایپلیکشن بنانے کا خیال چار مسلمان سافٹ ویئر انجینئرز کو آیا جنہوں نے رات دن محنت کر کے ایسی ایپلیکشن تیار کی جسے نہ صرف بچے بلکہ نوجوان اور بزرگ بھی استعمال کرسکتے ہیں۔
ایپ کو بچوں کا دوست قرار دیا گیا جبکہ اس کا نام ’مائی علم‘ ہے جو گوگل پلے اسٹور اور ایپ اسٹور سے بالکل مفت ڈاؤن لوڈ کر کے استعمال کی جاسکتی ہے۔
انٹرنیٹ پر شیئر ہونے والی ویڈیو میں بتایا گیا ہے کہ ایپ میں اسلامی تاریخ اور مسلمان ہیروز کے بارے میں معلومات موجود ہے، جبکہ بچوں کے لیے کارٹون بھی ہیں جو اسلامی ثقافت کی عکاسی کرتے ہیں۔
ایپ میں کارٹونز کریکٹر کے ساتھ دیگر معلوماتی سیریز بھی شامل ہیں جبکہ بچوں کی رہنمائی کے لیے شرعی تعلیمات بھی موجود ہیں جو بچوں کی پرورش کے حوالے سے مددگار ہیں۔ رپورٹ میں بتایا گیا ہے کہ ایپ میں کسی بھی قسم کی موسیقی یا گانا موجود نہیں اور نہ ہی کوئی اشتہار آتا ہے۔
A new Muslim-friendly kids’ app has launched! pic.twitter.com/QAP6muQnt5
— IlmFeed (@IlmFeed) December 10, 2019
ایپ کے بانی کا کہنا ہے کہ وہ بچوں کے حوالے سے بہت فکر مند تھے اور سوچتے تھے کہ اپنے بچوں کو موبائل پر ایسی معلومات فراہم کریں جس کے ذریعے وہ اسلامی تعلیمات حاصل کرسکیں۔
