لندن: برطانوی ملکہ کے شوہر شہزادہ فلپ کو طبیعت ناسازی کے بعد اسپتال منتقل کردیاگیا۔
شاہی خاندان کے ترجمان کی جانب سے جاری کردہ اعلامیے میں بتایا گیا ہے کہ شہزادہ فلپ نورفلک سے واپس آئے جس کے بعد اُن کی طبیعت ناساز ہوئی۔
شہزادہ فلپ کو لندن کے کنگ ایڈوارڈ VIII اسپتال منتقل کیا گیا جہاں ڈاکٹرز نے انہیں داخل کرلیا۔ کنگھم پیلس اعلامیے کے مطابق ڈاکٹرز نے اُن کے چند ٹیسٹ کرائے جس کی روشنی میں اُن کا علاج کیا جائے گا۔
برطانوی میڈیا رپورٹ کے مطابق شاہی خاندان کے ڈاکٹر کا کہنا ہے کہ پرنس فلپ کی طبیعت کو دیکھتے ہوئے انہیں آئندہ چند روز اسپتال میں رکھا جائے گا۔ رپورٹ کے مطابق شہزادے کو ایمبولینس کے بجائے شاہی خاندان کی گاڑی میں اسپتال منتقل کیا گیا۔
یہ بات بھی سامنے آئی ہے کہ پرنس فلپ اور ملکہ برطانیہ کچھ دیر قبل ٹرین کا سفر کر کے واپس شاہی محل لوٹے تھے، شہزادے کو کل سرکاری تقریب سے خطاب بھی کرنا تھا۔
یاد رہے ک شہزادہ فلپ کی عمر 97 سال کے قریب ہے، وہ اکثر ملکہ برطانیہ کے ساتھ مختلف تقریبات میں نظر آتے ہیں جبکہ وہ خود بھی دیگر کاموں میں متحرک ہیں۔
