ٹیکساس: امریکی ریاست ٹیکساس میں دھند کے باعث خطرناک حادثہ ہوا جس کے نتیجے میں اٹھارہ ویلر ٹرک ہائی وے پر گاڑیوں سے ٹکرا گیا۔
غیرملکی خبررساں ادارے کی رپورٹ کے مطابق امریکی ریاست ٹیکساس کے مغربی علاقے میں ہائی وے پر اٹھارہ ویلر ٹرک دھند کے باعث بے قابو ہوکر دوسری گاڑیوں سے جاٹکرایا اور پھر ایک گاڑی پر الٹ گیا۔
ویڈیو میں دیکھا جاسکتا ہے کہ ہائی وے شدید دھند ہے جس کی وجہ سے ڈرائیور کو سامنے کھڑی گاڑیاں نظر نہیں آئیں اور وہ دوسری گاڑیوں میں ٹکراگیا۔
EXCLUSIVE VIDEO: KCBD crew captures video of semi crash on Slaton Highway. – Full story here: https://t.co/xb48usLmz4 pic.twitter.com/MMzf9rKQEf
— KCBD NewsChannel11 (@KCBD11) December 27, 2019
حادثے کے نتیجے میں خوش قسمتی سے کوئی جانی نقصان نہیں ہوا اور 2 افراد زخمی ہوئے جنہیں طبی امداد کی فراہمی کے لیے اسپتال منتقل کردیا گیا۔
حادثے میں متعدد گاڑیوں کو نقصان پہنچا، حادثے کی ویڈیو سوشل میڈیا پر وائرل ہوگئی۔
رپورٹ کے مطابق پولیس نے حادثے کی تحقیقات شروع کردی ہیں، ابتدائی تحقیقات کے مطابق حادثہ تیز رفتای اور دھند کے نتیجے میں پیش آیا ہے۔