بدھ, مئی 22, 2024
اشتہار

اگلے 36 گھنٹے اہم، گرج چمک کے ساتھ بارشوں کا الرٹ جاری

اشتہار

حیرت انگیز

بھارت میں محکمہ موسمیات نے اگلے 36 گھنٹوں کے دوران گریٹر حیدرآباد کے بیشتر حصوں میں گرج چمک اور تیز ہواؤں کے ساتھ بارش کا امکان ظاہر کیا ہے، اس سلسلے میں محکمہ موسمیات کے حکام نے گریٹر حیدرآباد کے لیے الرٹ وارننگ جاری کردی ہے۔

بین الاقوامی خبر رساں ادارے کی رپورٹ کے مطابق حیدرآباد کے بعض علاقوں میں ہوئی بارش کی وجہ سے درجہ حرارت میں قدرے کمی آئی ہے۔

شہر کے بعض علاقوں میں کل رات بارش ہوئی، حیات نگر، بی این ریڈی، اوپل، ناگول، ایل بی نگر، دلسکھ نگر، ونستھلی پورم، کرمان گھاٹ، ملک پیٹ، چارمینار، مہدی پٹنم، سرر نگر اور دیگر مقامات پر منگل کی صبح بھی ہلکی بارش ہوئی۔

- Advertisement -

دوسری جانب سعودی عرب میں محکمہ موسمیات کے قومی مرکز نے امکان ظاہر کیا ہے کہ مملکت کے مختلف علاقے آئندہ ہفتے بارش کی لپیٹ میں رہیں گے۔ بعض مقامات پر گرد وغبار بھی چھایا رہے گا۔

مسجد نبویؐ میں بارش کے دوران روح پرور مناظر کی ویڈیو

سعودی خبر رساں ادارے اخبار 24 نے محکمہ موسمیات کے قومی مرکز کے حوالے سے مزید کہا کہ11 مئی تک مملکت کے بالائی علاقوں کے علاوہ جازان، عسیر، الباحہ، ریاض اور مشرقی ریجن کے متعدد علاقوں میں بارش کا قوی امکان ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں