نئی دہلی : بھارت کے سرکاری اولڈ ایج ہوم کا رہائشی عمر رسیدہ جوڑا رشتہ ازدواج میں منسلک ہوگیا گا۔
تفصیلات کے مطابق یہ دلچسپ و انوکھی شادی بھارتی ریاست کیرالہ میں واقع سرکاری اولڈ ایج میں انجام پائی جہاں 65 سالہ لکشمی اور 67 سالہ کوچانیا مینن نے اپنی محبت کو رشتے میں بدل دیا۔
جی ہاں اولڈ ایج ہوم میں رہائش پذیر ضعیف العمر جوڑے نے اپنی محبت کو منطقی انجام تک پہنچاتے ہوئے شادی کرلی۔
بھارتی خبر رساں ادارے کا کہنا تھا کہ عمر رسیدہ جوڑے اپنے احساسات گھر میں موجود دیگر لوگوں کو بتائے تو انہوں نے روایتی انداز میں ان کی شادی کروانے کا فیصلہ کیا، جس میں دوستوں نے عمررسیدہ دلہا اور دلہن مایوں بھی بٹھایا۔
اس موقع پر دوستوں نے دھول کی تھاپ کر رقص بھی کیا اور شادی کی دیگر رسومات بھی ادا کی گئیں۔
شادی کی تقریب میں اولڈ ایج ہوم کے عملے سمیت شہر کی نامور شخصیات نے بھی شرکت کی، جبکہ وزیر زراعت شیو کمار نے بھی ضعف العمر جوڑے کی محبت اور پھر شادی کا سن کر عروسی کی تقریب میں شرکت کی۔
Kerala: 67-year-old Kochaniyan Menon and a 65-year-old Lakshmi Ammal, tied the knot yesterday at a government-run old-age home in Ramavarmapuram in Thrissur district. pic.twitter.com/EXJeXyv34G
— ANI (@ANI) December 29, 2019
سوشل میڈیا پر تصاویر وائرل ہوئیں تو صارفین نے بھی خوشگوار حیرت کا اظہار کرتے ہوئے عملے کی تعریف کی۔
