اوٹاوا : موبائل فون سے بیٹے کی جان چھڑانے کےلیے والد کا انوکھا اقدام، بیٹے کے ہمراہ موٹر سائیکل پر منگولیا روانہ ہوگئے۔
تفصیلات کے مطابق موجودہ دور کے والدین اپنے کو کھیل کود سے روکنے کےلیے عموماً موبائل فون یا ٹیبلیٹ ہاتھ میں تھما دیتے ہیں لیکن براعظم امریکا سے تعلق رکھنے والے ایک شخس نے اپنے بیٹے سے موبائل کی عادت چھڑوانے کےلیے اسے ایک ماہ کےلیے منگولیا لے گیا۔
برطانوی ٹی وی سے بات چیت کرتے ہوئے والد کلارک کا کہنا تھا کہ آج اگر انفرادی یا ایک خاندان کے طور ہر ہمیں کوئی لت لگ گئی ہے تو اس کی وجہ یہ ہے کہ ہم (والدین) نے اسے برقرار رکھا ہے۔
انہوں نے کہاکہ اس سے قبل میں نے کبھی کوئی ویک اینڈ اپنے فون کے بغیر نہیں گزارا تھا، یہ خاصا عجیب تھا، موٹرسائیکل پر پورے منگولیا کا سفر کرنا ایک لمبے عرصے سے ان کا خواب تھا۔ اب جب اس کا بیٹا بڑا ہوچکا ہے تو کیوں نہ اس کے ساتھ یہ سفر کیا جائے۔
اس موقع پر بیٹے نے کہا کہ مجھے لگتا ہے کہ سارا وقت میں اپنے فون کی یاد میں گم تھا، آپ کی ہر چیز میں دلچسپی ختم ہو جاتی ہے۔ جب بھی میں بور ہوتا ہوں تو یو ٹیوب آن کرسکتا ہوں یا نیٹ فلکس دیکھ سکتا ہوں۔ لیکن وہاں میں کیا کروں گا؟ ستارے دیکھوں گا یا اپنی انگلیاں گھماوں گا۔
