اسلام آباد: تحریک انصاف کے سینئر رہنما جہانگیر ترین ناراض اتحادی جماعتوں کو منانے کے لیے میدان میں آگئے اور انہوں نے دو ناراض جماعتوں کی ناراضی تقریبا ختم کردیا۔
اے آر وائی نیوز کے مطابق حکومتی اتحادی جماعت گرینڈ ڈیموکریٹک الائنس کے وفد سے جہانگیر ترین نے ملاقات کی جس میں جی ڈی اے کے خدشات پر تفصیلی تبادلہ خیال ہوا۔
دونوں جماعتوں کے رہنماؤں نے ملکی سیاست پر بھی تفصیلی تبادلۂ خیال کیا اور آپسی اختلافات کو مشروط ختم کرنے پر اتفاق بھی کیا۔
ملاقات کے بعد میڈیا سے گفتگو کرتے ہوئے تحریک انصاف کے سینئر رہنما کا کہنا تھا کہ فہمیدہ مرزا کی قیادت میں جی ڈی اے وفد سےنتیجہ خیز بات چیت ہوئی ، حکومت اور جی ڈی اے کے مابین اب کوئی معاملہ حل طلب باقی نہیں ہے، جی ڈی اےپہلے بھی حکومت کا اہم حصہ تھی اور آئندہ بھی اتحادی رہے گا، ہم اپنے اتحادیوں کے ساتھ مل کر نئے پاکستان کی جدوجہد جاری رکھیں گے۔
مزید پڑھیں: اتحادیوں کو منانے کے لیے وزیراعظم کی وزیراعلیٰ پنجاب کو اہم ہدایت
بعد ازاں جہانگیر ترین، وفاقی وزیردفاع پرویز خٹک، وزیرقانون فروغ نسیم اور سینیٹر اعظم سواتی نے بلوچستان نیشنل پارٹی مینگل کے وفد سے ملاقات کی، جس میں اتحادی جماعت کے تمام تحفظات بغور سُنا گیا۔ بی این پی کے وفد کی قیادت جہانزیب جمالدینی نے کی۔
حکومتی وفد نے بی این پی مینگل کو تمام تر تحفظات دور کرنے کی یقین دہانی کراتے ہوئے اپنے مکمل تعاون کا یقین دلایا اور بلوچستان کے تمام مسائل کو جلد از جلد حل کرنے کے عزم کا اعادہ کیا۔
P Khattak, Arbab S and I Just finished a very fruitful discussion with GDA delegation led by Dr Fahmida Mirza. There are no issues outstanding. GDA was , is and will remain a strong ally of PTI in our Coalition Govt. Together we will keep striving to build a new Pakistan
— Jahangir Khan Tareen (@JahangirKTareen) January 16, 2020
