ممبئی: بھارتی ریاست مہاراشٹرا میں بے قابو کار پارکنگ میں کھڑی بس میں جاگھسی۔
غیرملکی خبررساں ادارے کی رپورٹ کے مطابق بھارتی ریاست مہاراشٹر کے علاقے جوگیشوری ایکسپریس ہائی وےپر کار تیز رفتاری کے باعث بے قابو ہوکر بس میں جاگھسی جس کے نتیجے میں کار میں موجود 4 افراد زخمی ہوگئے۔
عینی شاہدین کے مطابق کار 80 سے 100 کی رفتار میں تھی جب یہ حادثہ رونما ہوا۔
جوگیشوری پولیس نے تیز رفتاری پر گاڑی کے ڈرائیور 23 سالہ سرویش توڈی کے خلاف مقدمہ درج کرلیا، پولیس کے کہنا ہے کہ حادثہ سرویش کی لاپرواہی کے سبب پیش آیا۔
#Mumbai: In a bizarre accident at the Western Express Highway, a speeding car lost control and pierced through the window of a parked bus on the service road at Jogeshwari East early on Monday. Four occupants of the car were injured. pic.twitter.com/bjlFfk90zl
— TOI Mumbai (@TOIMumbai) January 20, 2020
پولیس کے مطابق سرویش اپنے دوستوں کے ہمراہ ہائی وے سے گزر رہا تھا جب گاڑی اس کے کنٹرول سے باہر ہوئی اور بس کی کھڑکی توڑتے ہوئے اس سے جا ٹکرائی۔
پولیس کا کہنا ہے کہ حادثہ رات ایک بجے کے قریب پیش آیا جبکہ میڈیکل کرانے کے بعد پتا چلا ہے کہ سریش نشے میں نہیں تھا، حادثے کے وقت بس میں کوئی مسافر موجود نہیں تھا۔
سرویش توڈی اور اس کے دوستوں کو علاج کے لیے مقامی اسپتال منتقل کردیا گیا ہے جہاں زخمیوں کی حالت خطرے سے باہر بتائی جارہی ہے۔
