بچوں کی ابتدائی حرکتیں ہمیشہ سے خوشگوار یادیں بن جاتی ہیں جیسے پہلی بار چلنا، بولنا یا کچھ ٹھوس غذا لینا وغیرہ۔
یہ حسین لمحات والدین زندگی بھر یاد رکھتے ہیں اور بڑھتی عمر کے ساتھ اولاد کو خوشی خوشی بتا کر ماضی کی خوشگوار یادوں کا لطف اٹھاتے ہیں۔
ویسے تو بچوں کے دلچسپ واقعات کی ویڈیوز آئے دن وائرل ہوتی ہیں جس میں بچوں کی شرارتیں اور ان کی ذہانت دیکھ کر بڑے بڑے دنگ رہ جاتے ہیں۔
@mamabritti#cute #funny #waitforit #love
ایسی ہی ایک ویڈیو سوشل میڈیا پر وائرل ہوئی جس میں کمسن بچی پہلی بار آئس کریم کا ذائقہ چکھتی ہے اور پل بھر میں اس کے چہرے کے تاثرات تبدیل ہو جاتے ہیں۔
آئس کریم کھانے کے طریقے سے نا آشنا بچی کو پہلی بار میں ہی آئس کریم اس قدر پسند آتی ہے کہ وہ اسے اپنی طرف کھینج لی تھی اور فوراً پوری کون منہ میں ڈالنے کی کوشش کرتی ہے۔
اس منظر دیکھ کر والدین زور زور سے ہنس پڑتے ہیں اور آئس کریم کو بچی کے رحم و کرم پر چھوڑ دیتے ہیں۔
اس ویڈیو کو ٹک ٹاک پر 4 لاکھ لوگ لائیک اور 4 ہزار صارفین کمنٹ کر چکے ہیں، ٹک ٹاک کے علاوہ ٹوئٹر پر 40 لاکھ سے زائد بار اس ویڈیو کو دیکھا گیا ہے۔
