کراچی: نامور پاکستانی اداکار اور گلوکار عمران عباس نے اپنے والد کو یاد کرتے ہوئے جذباتی پوسٹ شیئر کردی۔
یاد رہے کہ اداکارہ کے والد کا انتقال 15 دسمبر 2019 کو ہوا جسے عمران عباس نے اپنی زندگی کا سب سے برا دن بھی قرار دیا تھا۔
سماجی رابطے کی ویب سائٹ انسٹاگرام پر گلوکار و اداکار نے پوسٹ شیئر کی جس میں انہوں نے موبائل پر موصول ہونے والی ماں باپ کی کالز کی تصویر شیئر کی۔
انہوں نے لکھا کہ ’پاپا مجھے چند روز پہلے تک اندازہ بھی نہیں تھا کہ آپ کا نام میرے موبائل پر اب ظاہر نہیں ہوگا‘۔
View this post on Instagram
عمران عباس کی جذباتی پوسٹ پر صنم جنگ، حرا مانی سمیت بہت سی معروف شخصیات نے اُن کے ساتھ افسوس کا اظہار کیا۔
قبل ازیں عمران عباس نے والد کے انتقال کے بعد اس بات پر ندامت کا اظہار کیا تھا کہ وہ اپنے والد کو اتنا وقت نہ دے سکے جتنا اُن کا حق تھا۔ انہوں نے مداحوں سے اپیل کی تھی کہ اپنے والدین کی قدر کریں۔