لاہور: احتساب عدالت کے جج چوہدری امجد نزیر نے راجہ پرویز اشرف کے خلاف گیپکو بھرتیاں کیس میں اپنے فیصلے میں نیب ترمیمی آرڈیننس کے اطلاق سے متعلق نوٹ دیا ہے۔

عدالت نے قرار دیا کہ نیب ترمیمی آرڈیننس کا اطلاق 1999 سے سمجھا جائے گا، عدالت کے سامنے قانونی نکتہ آیا کہ نیب ترمیمی آرڈینس کے اطلاق کب سے ہوگا؟ جس پر اس نیتجے پر پہنچے ہیں کہ ترمیمی آرڈنینس کا اطلاق وہی سے ہوگا جہاں سے نیب آرڈیننس کا اطلاق ہوتا ہے۔

نیب ترمیمی آرڈیننس کے مطابق اختیارات سے تجاوز میں جب تک مالی فائدہ یا اثاثوں میں اضافہ نہ ہو جرم تصور نہیں ہوگا۔

عدالت نے گیپکو بھرتیاں کیس میں راجہ پرویز اشرف سمیت تمام 8 ملزمان کو بری کر دیا تھا، ترمیمی آرڈیننس سے سب سے پہلے مستفید ہونے والے سیاستدان راجہ پرویز اشرف ہیں امکان ہے، ترمیمی آرڈینینس سے مستقبل میں بھی دیگر سیاسی شخصیات مستفید ہو سکتی ہیں۔