دبئی: متحدہ عرب امارات کی ریاست دبئی کے ولی عہد شیخ حمدان بن راشد المکتوم نے اونٹ کو نام لے کر بلایا تو اونٹ ان کے پاس دوڑا چلا آیا جس کی ویڈیو سوشل میڈیا پر وائرل ہوگئی۔
غیرملکی خبررساں ادارے کی رپورٹ کے مطابق دبئی کے ولی عہد شیخ حمدان نے دو اونٹوں کو ’ایمار‘ اور ’فیرس‘ کہہ کر بلایا تو اونٹ ان کے پاس دوڑے چلے آئے جس کی ویڈیو وائرل ہوگئی۔
ویڈیو میں دیکھا جاسکتا ہے کہ شیخ حمدان گاڑی میں موجود ہیں اور اونٹ ان کے پاس آکر چپس لے جاتے ہیں جبکہ ایک اونٹ ان کو پیار بھی کرتا ہے۔
#حمدان_بن_محمد ينشر فيديو على حسابه في إنستغرام يظهر فيه وهو ينادي الإبل بأسمائها فتستجيب وتتوجه نحوه.@HamdanMohammed
#البيان_القارئ_دائما pic.twitter.com/4YgFkl0bGo— صحيفة البيان (@AlBayanNews) February 10, 2020
ویڈیو سوشل میڈیا پر تیزی سے وائرل ہورہی ہے اور ایک گھنٹے کے اندر مذکورہ ویڈیو کو تین لاکھ 50 ہزار افراد دیکھ چکے ہیں۔
واضح رہے کہ شیخ حمدان جانوروں سے لگاؤ رکھتے ہیں، ویڈیو میں دیکھا جاسکتا ہے کہ وہ اونٹوں کو نام لے کر بلاتے ہیں اور اونٹ دوڑے چلے آتے ہیں۔
دبئی کے ولی عہد شیخ حمدان سوشل میڈیا پر کافی متحرک رہتے ہیں اس سے قبل بھی وہ گھوڑوں، فالکن، کیکڑے کے ساتھ اپنی ویڈیوز سوشل میڈیا پر شیئر کرچکے ہیں۔
