دبئی : پاکستان کے اسٹار بیٹسمین بابراعظم کو آئی سی ٹیسٹ رینکنگ میں دو درجے ترقی مل گئی، بابراعظم تینوں فارمیٹس میں ٹاپ فائیو میں پہچنے والے چند بیٹسمینوں میں شامل ہوگئے ۔
تفصیلات کے مطابق آئی سی سی نے نئی ٹیسٹ ریکنگ جاری کردی ہے جس کے مطابق پاکستان کی ٹیم کی رینکنگ میں تو کوئی بہتری نہیں لاسکی۔ ٹیم کی ساتویں پوزیشن برقرار ہے لیکن ریٹنگ پوائنٹ بہتر ہوئے، البتہ بابر اعظم نے کیریئر کی بیسٹ پانچویں پوزیشن حاصل کرلی۔
Following his 143 against Bangladesh, Babar Azam has made his way into the top five in the latest @MRFWorldwide ICC Test Rankings 👏 pic.twitter.com/QW8Xcjo9Cr
— ICC (@ICC) February 11, 2020
بنگلہ دیش کے خلاف راولپنڈی ٹیسٹ میں ایک سو تینتالیس رنز کی شاندار اننگز کھیلنے پر بابراعظم کی ٹیسٹ رینکنگ میں ٹاپ فائیو میں انٹری ہوگئی، بابراعظم دنیا کے ان چند بلے باز وں میں سے ہیں جنہوں نے تینوں فارمیٹس میں ٹاپ فائیو میں شامل ہونے کا اعزاز حاصل کیا ہے۔
آئی سی سی کی نئی فہرست کے مطابق بلے بازوں میں اس وقت ویرات کوہلی پہلے، آسٹریلیا کے سٹیو سمتھ دوسرے، آسٹریلیا کے مارنس تیسرے اور نیوزی لینڈ کے کین ولیمسن چوتھے نمبر پر براجمان ہیں۔
دیگر کھلاڑیوں کی انفرادی کارکردگی پر بھی درجہ بندی بہتر ہوئی ہے، اسد شفیق ترقی کر کے 18 ویں نمبر کے بیٹسمین بن گئے، کپتان اظہر علی 27 ویں، نسیم شاہ ترقی کر کے 52 ویں، یاسر شاہ کی 23 ویں، شاہین شاہ آفریدی32 ویں، اور محمد عباس 14 ویں نمبر کی پوزیشن پر ہیں۔
