اسلام آباد: وزیراعظم عمران خان کا کہنا ہے کہ مشکل وقت میں چینی حکومت اور عوام کے ساتھ ہیں۔
تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ چین کو ہر قسم کی مدد فراہم کریں گے، چین کا ایسے ساتھ دیں گے جیسے ہرآزمائش میں ساتھ دیا۔ انہوں نے کہا کہ مشکل وقت میں چینی حکومت اور عوام کے ساتھ ہیں۔
وزیراعظم پاکستان نے دفترخارجہ اور اوورسیز وزارت کو ووہان میں پھنسے پاکستانیوں کی ہرممکن مدد کرنے کی ہدایات جاری کر دیں۔
مصائب و امتحان کے ان لمحات میں پاکستان چینی حکومت اور عوام کیساتھ ہے اور ہمیشہ انکے ساتھ کھڑا رہے گا۔ ہم بالکل اسی جذبے اور انداز میں چین کی ہر ممکن اخلاقی و مادی معاونت کریں گے جیسے چین نے کرب و آزمائش کی ہر گھڑی میں ہمارا ساتھ دیا۔
— Imran Khan (@ImranKhanPTI) February 12, 2020
کرونا وائرس بے قابو ، 1100 سے زائد زندگیاں نگل گیا
واضح رہے کہ چین میں کرونا وائرس بے قابو ہوگیا، مزید ستانوے مریض دم توڑ گئے، جس کےبعد ہلاکتوں کی تعداد 1113 ہوگئیں ہیں جبکہ 45 ہزار افراد جان لیوا وائرس کا شکار ہیں۔
