کراچی: وزیر اعظم عمران خان کے معاون خصوصی برائے سیاسی امور اور تحریک انصاف کے سینئر رہنما نعیم الحق علالت کے باعث انتقال کرگئے۔
سماجی رابطے کی ویب سائٹ ٹویٹر پر وفاقی وزیر برائے سائنس اینڈ ٹیکنالوجی فواد چوہدری نے نعیم الحق کے انتقال کی تصدیق کی اور بتایا کہ وہ اب اس دنیا میں نہیں رہے۔
Naeem Ul Haq fought like a lion aagainstt Cancer, a friend, elder and a colleague …. will always be missed… may Allah Rest his soul in peace #RIPNaeemUlHaq
— Ch Fawad Hussain (@fawadchaudhry) February 15, 2020
فواد چوہدری کا ٹویٹ میں کہنا تھا کہ ’نعیم الحق بہادری سے کینسر کے خلاف جنگ لڑ رہے تھے، ہم ان کی کمی ہمیشہ محسوس کریں گے، اللہ انہیں جوارِ رحمت میں جگہ عطا فرمائے‘۔
تحریک انصاف کے رکن سندھ اسمبلی خرم شیر زمان نے اے آر وائی نیوز سے خصوصی گفتگو کرتے ہوئے کہا کہ نعیم الحق کا انتقال کچھ دیر قبل ہوا، وہ ایک روز قبل ہی علاج کے لیے اسلام آباد سے کراچی آئے تھے۔ اُن کا کہنا تھا کہ نعیم الحق کی کل صبح سے طبیعت زیادہ خراب تھی، جس کے بعد انہیں کل رات ہی اسپتال منتقل کردیا گیا تھا۔
معاونِ خصوصی برائے اطلاعات فردوس عاشق اعوان کا کہنا تھا کہ ’نعیم الحق نے پی ٹی آئی کی کامیابی کے لیے سر توڑ کوششیں کیں، انہوں نے پی ٹی آئی کے وژن اور منشور کے لیے بہت زیادہ کام کیا‘۔
نماز جنازہ کا اعلان
نعیم الحق کی نماز جنازہ کل بعدنمازعصرمسجدعائشہ خیابان اتحاد کراچی میں اداکی جائے گی۔
It’s an irreparable loss; but what a journey with PTI’s struggle. How life and fate brought PM IK and Naeem Ul Haq together as friends and comrades, from the struggles to the good times. @ImranKhanPTI @naeemul_haque pic.twitter.com/HYwReOb8JK
— PTI (@PTIofficial) February 15, 2020
نعیم بھائی، عمران خان کے قریبی ساتھی ان کی جدو جہد میں ہمیشہ ان کے شانہ بشانہ کندھے سے کندھا ملا کر ساتھ رہے ان کی وفات سے ہونے والا خلا کبھی پورا نہیں ہوگا ( انا للّٰہ وانا الیہ راجعون) اللّٰہ ان کے درجات بلند فرمائے آمین۔
#RIPNaeemUlHaq pic.twitter.com/mnveRUiaOA
— Iftikhar Durrani (@DuraniIftikhar) February 15, 2020