بغداد: عراقی کردستان میں موسم اور موسمی تبدیلی سے متعلق رپورٹنگ کرنے والے شخص پر شہریوں نے برف کے گولے برسا دیے۔
غیر ملکی خبر رساں ادارے کی رپورٹ کے مطابق سماجی رابطے کی ویب سائٹ ٹوئٹر پر عراق کی ایک ویڈیو وائرل ہوئی ہے جس میں ایک شخص کو موسم کے حوالے سے رپورٹنگ کرتے ہوئے پیش آنے والے غیر متوقع حالات کا سامنا کرنا پڑرہا ہے۔
عراقی کردستان میں موسم کی رپورٹنگ کرنے والے شخص کی ویڈیو دیکھتے ہوئے برف باری میں رپورٹنگ کرنے والے افراد کو غیر متوقع کاموں کی توقع رکھنی چاہیے۔
عراقی صوبے کردستان میں موسم کی تبدیلی سے متعلق رپورٹنگ کرنے والے شخص اس وقت ایک تجیب چیلنج کا سامنا کرنا پڑا جب شہریوں نے رپورٹر پر برف کے گولے برسانا شروع کیے۔
When you’re a weatherman ❄️ in #Kurdistan Region, expect the unexpected! pic.twitter.com/m2laJB84fE
— Rudaw English (@RudawEnglish) February 14, 2020
سوشل میڈیا پر وائرل ہونے والی ویڈیو میں دیکھا جاسکتا ہے کہ جب رپورٹر پر برف کا پہلا گولا لگتا ہے کہ تو وہ لوگوں کو منع کرنے کی کوشش کرتا ہے اور اپنی رپورٹنگ جاری رکھتا ہے لیکن جب بچوں سمیت کئی افراد اس پر برف سے حملہ کرتے ہیں تو وہ رپورٹنگ روک دیتا ہے۔
عراقی رپورٹر کی یہ ویڈیو مختلف تبصروں کے ساتھ سماجی رابطے کی ویب سائٹ ٹوئٹر پر خوب شیئر ہورہی ہے۔
