کراچی: معروف پاکستانی ماڈل اور اداکارہ سونیا حسین نے کہا ہے کہ عورت مرد کے سہارے کے بغیر خود بھی کھڑی ہوسکتی ہے، میرے پاس تم ہو کو بہت لوگوں نے پسند کیا۔
اے آر وائی نیوز کے پروگرام ہر لمحہ پرجوش میں گفتگو کرتے ہوئے سونیا حسین کا کہنا تھا کہ عفت رحیم میری بہت اچھی دوست ہیں، میرے پاس تم ہو کو بہت لوگوں نے پسند کیا، عائزہ خان نے ڈرامے میں بہت اچھی اداکاری کی۔
انہوں نے کہا کہ کیریکٹر اچھا ہو یا برا وہ کیریکٹر ہی ہوتا ہے، آئٹم سانگ عوام دیکھنا چاہتی ہے، آئٹم سانگ والی فلمز کو زیادہ پسند کیا جاتا ہے، میں نے یہ نہیں کہا کہ میرے پاس تم ہو کے ڈرامے میں عورت کے کردار کو برا دکھایا گیا، عورت مرد کے سہارے کے بغیر خود بھی کھڑی ہوسکتی ہے، مجھے اعتراض صرف یہ تھا کہ ایک مرد کا سہارا پھر دوسرے مرد کا سہارا۔
معروف اداکارہ کا کہنا تھا کہ میں اسکرپٹ دیکھنے کے لیے 2مہینے کا وقت لیتی ہوں غور کرتی ہوں، خواتین کے لیے آواز اٹھانے پر نہ جانےکیوں اعتراض ہوتا ہے، خواتین کے مارچ میں کچھ زیادہ ہی ہوگیا تھا۔
