کراچی: معروف گلوکار و اداکار اور میوزک کمپوزر علی ظفر نے مداحوں سے فرمائش کی ہے کہ وہ اپنی یونیورسٹیز، کالج اور اسکولز میں گروپ کی صورت ڈانس کر کے ویڈیوز بھیجیں تاکہ پی ایس ایل کے نئے ترانے کی ویڈیو تیار کی جاسکے۔
علی ظفر نے پی ایس ایل کے نئے ترانے کی دھن اتوار کے روز شیئر کی جس کے بعد انہوں نے گزشتہ روز اپنے مداحوں کو بتایا تھا کہ گانا تیار ہوگیا ، اب ویڈیو بنانے کی ذمہ داری آپ لوگوں کی ہے۔
علی ظفر کا ویڈیو میں کہنا تھا کہ میں آپ کو ڈانس کے اسٹیپ بتا رہا ہوں، یہی اسٹیپ ریکارڈ کر کے ویڈیو بھیجیں تاکہ جلد از جلد ویڈیو ریکارڈ ہوسکے۔
Lo G! The song is ready. Now time for the video. But this time, you can be the star and feature in it. Watch this video to understand what you need to do! You can see the longer version on my YouTube and subscribe https://t.co/gBub1wo5R7 #bhaeehazirhai pic.twitter.com/0Oo0RMbx42
— Ali Zafar (@AliZafarsays) February 24, 2020
اب سے کچھ دیر قبل علی ظفر نے ایک اور ویڈیو سماجی رابطے کی ویب سائٹ پر شیئر کی جس میں وہ ای میلز کرنے والے شائقین کا شکریہ ادا کررہے تھے۔
علی ظفر کا کہنا تھا کہ ’آپ لوگوں کے ڈانس کی بہت ساری ویڈیوز موصول ہوئیں، ایسا کریں کہ اب آپ لوگ یونیورسٹیز ،کالجز اور اسکول میں گروپ کی صورت یہی اسٹیپ کر کے اچھے کیمرے سے ویڈیو ریکارڈ کر کے بھیجیں‘۔
Kya dance kerte hain aap log. 💃 Ye bhee bhaijo. ☄️ [email protected] #bhaeehazirhai pic.twitter.com/pd74feJKaa
— Ali Zafar (@AliZafarsays) February 25, 2020
علی ظفر نے بتایا کہ میں بھی کل ویڈیو ریکارڈ کرنے کے لیے اپنے کالج جارہا ہوں۔
