ملتان : پاکستان سپر لیگ فائیو کے بارہویں میچ میں ملتان سلطانز نے کوئٹہ گلیڈی ائٹرز کو 30 رنز سے شکست دے دی۔
ملتان میں کھیلے گئے میچ میں ہوم ٹیم نے رائلی روسو کی دھواں دھار سنچری کی بدولت 200 رنز کا بڑا ہدف دیا جس کے جواب میں گلیڈی ایٹرز 169 رنز ہی بنا سکی۔
ITS ALL OVER!
Huge win for @MultanSultans as they take this by 30 runs!#MSvQG #HBLPSLV pic.twitter.com/v7YOQ4XH1G
— PakistanSuperLeague (@thePSLt20) February 29, 2020
ہدف کے تعاقب میں گلیڈی ایٹرز کے اوپنرز شین واٹسن اور جیسن روئے نے جارحانہ اننگز کھیلی اور پہلی وکٹ پر 57 رنز جوڑے، اوپننگ جوڑی ٹوٹنے کے بعد بیٹنگ لائن لڑکھڑا گئی اور کوئی بھی پلیئر جم کر نہ کھیل سکا۔
واٹسن نے 41 گیندوں پر 80 رنز بنائے تاہم ان کی مزاحمت بھی ٹیم کے کام نہ آئی، احسان علی 14، اعظم خان 6، کٹنگ 12، انور علی 14 اور سہیل خان ایک اسکور کرکے چلتے بنے جب کہ کپتان سرفراز احمد 3 اور نواز خان 5 رنز کے ساتھ ناٹ آؤٹ رہے۔
سلطانز کی جانب سے بلاول بھٹی نے سب سے زیادہ 3 وکٹیں حاصل کیں، عمران طاہر نے 2 اور خوش دل شاہ نے ایک وکٹ حاصل کی۔
اس سے قبل ہوم ٹیم نے پہلے بیٹنگ کرتے ہوئے 5 وکٹوں پر 199 رنز بنائے،اوپنر ذیشان اشرف آج لمبی اننگز کھیلنے میں ناکام رہے اور 8 رنز بناکر آؤٹ ہوگئے جبکہ جے ایم وینس 6 چوکوں کی مدد سے 29 رنز بناکر محمد نواز کی گیند پر کیچ دے بیٹھے۔
48 رنز کے مجموعے پر سلطانز نے تین وکٹیں گنوائیں تو کپتان شان مسعود نے ذمہ دارانہ اننگز کھیلتے ہوئے 32 گیندوں پر 6 چوکوں کی مدد سے 46 رنز بنائے۔
SLICE OF FORTUNE FOR QUETTA GLADIATORS 💥
Mohammad Hasnain sends Shan Masood back to the pavilion and the partnership is broken #HBLPSLV #TayyarHain #CricketForAll pic.twitter.com/kIKMOv6Nqv
— Cricingif (@_cricingif) February 29, 2020
آر آر رسو نے لمبی اننگز کھیلتے ہوئے 43 گیندوں پر 100 رنز بناکر کرکے ناقابل شکست رہے، انہوں 10 چوکوں اور 6 چھکوں کی مدد سے تیز ترین سینچری اسکور کی۔ خوشدل شاہ 1 رنز بنا کر سہیل خان کا نشانہ بنے۔
RILEE ROSSOUW CREATES HISTORY AT #HBLPSL2020 🔥
He brings up his century in style and off only 43 deliveries. This is the fastest ton in the history of the tournament and the third by an overseas player 🙌#HBLPSLV #TayyarHain #CricketForAll pic.twitter.com/O5wkT1I85V
— Cricingif (@_cricingif) February 29, 2020
کوئٹہ گلیڈی ائٹرز کے سہیل خان، بین کٹنگ، محمد حسنین، نسیم شاہ اور محمد نواز نے ایک ایک کھلاڑی کو پویلین کی راہ دکھائی۔
ملتان کے کپتان شان مسعود نے ٹاس جیتنے کے بعد میڈیا سے گفتگو کرتے ہوئے کہا کہ وکٹ بیٹنگ کےلیے اچھی ہے۔
دونوں ٹیمیں ایونٹ میں اب تک چار چار میچ کھیل چکی ہیں اور پوائنٹس بھی برابر ہیں تاہم بہتر رن ریٹ کے باعث ملتان سلطانز پوائنٹس ٹیبل پر پہلے نمبر پر جبکہ گلیڈی ایٹرز دوسرے نمبر پر ہے۔
ملتان سلطانز ٹیم اسکوڈ
سلطانز کی ٹیم میں دو تبدیلی کے بعد شان مسعود (کپتان)، جیمز وینس، ذیشان اشرف، رلی روسو، خوشدل شاہ، بلاول بھٹی، عمران طاہر، محمد الیاس، محمد عرفان اور سہیل تنویر شامل ہیں۔
کوئٹہ گلیڈی ائٹرز ٹیم اسکوڈ
دفاعی چمپیئن کی ٹیم میں سرفراز احمد (کپتان)، احسن علی، جیسن روئے، اعظم خان، محمد نواز، بین کٹنگ، نسیم شاہ، سہیل خان، محمد حسنین، انور علی، اور شین واٹسن شامل ہیں۔
It’s a top of the table clash in Multan! @MultanSultans have won the toss and will be batting first. #MSvQG #HBLPSLV pic.twitter.com/BKpI6QNzzY
— PakistanSuperLeague (@thePSLt20) February 29, 2020
ملتان سلطانز نے کراچی کنگز کو شکست دیدی
خیال رہے کہ گزشتہ روز پاکستان سپر لیگ 5 کے دسویں میچ میں ملتان سلطانز نے کراچی کنگز کو 52 رنز سے شکست دے کر ایونٹ کی تیسری فتح اپنے نام کی تھی، ملتان میں کھیلے گئے میچ میں ہوم ٹیم نے مقررہ اوورز میں 6 وکٹوں پر 187 رنز بنائے تھے۔