مکہ مکرمہ : امریکی گلوکار ‘ایکون نے عمرہ کی سعادت حا صل کرلی، جس کی تصاویر سوشل میڈیا پر وائرل ہوگئیں، ‘ایکون نے عمرہ حال ہی میں کئے گئے کنسرٹ کے بعد ادا کیا۔
تفصیلات کے مطابق امریکی گلوکار ‘ایکون نے سعودی عرب میں عمرہ کی سعادت حا صل کرلی، گلوکار کی اپنے اہل خانہ کے ہمراہ خانہ کعبہ میں احرام پہنے ہوئے تصاویر سوشل میڈیا پر وائرل ہوگئیں، اکون نے عمرہ حال ہی میں کئے گئے کنسرٹ کے بعد ادا کیا۔
امریکی گلوکار ایکون نے دمام میں کنسرٹ سے قبل میڈیا کو بتایا تھا کہ وہ مقدس شہر مکہ مکرمہ کا سفر کریں گے اور عمرہ بھی ادا کریں گے۔
ایکون نے عرب ملک میں اپنے کنسرٹ کے بعد سماجی رابطے کی ویب سائٹ پر سعودی عرب کا شکریہ بھی ادا کیا۔
Saudi Arabia was crazy!! Thanks again Saudi for the love! pic.twitter.com/U85H0YO311
— AKON (@Akon) February 28, 2020
خیال رہے گریمی ایوارڈ یافتہ گلوکار مغربی افریقہ کے ملک سینیگال کے ایک مسلمان گھرانے میں پیدا ہوئے، امریکی گلوکار ‘ایکون نے اپنی کامیابی کا سہرا اپنے عقیدے کو دیتے ہوئے کہا تھا کہ میری اصل کامیابی میرا ایمان ہے۔
واضح رہے نامور امریکی گلوکار ’ایکون‘ نے پاکستانی عوام سے دیامیر بھاشا اور مہمند ڈیمز فنڈ میں حصہ لینے کی اپیل کی تھی اور کہا تھا کہ’پاکستانی دیامیر بھاشا اور مہمند ڈیموں کے لیے عطیات دیں تاکہ پاکستان کو محفوظ مستقبل دے سکیں‘۔
اس سے قبل امریکی گلوکار نے گزشتہ دنوں اپنا ایک ویڈیو پیغام جاری کیا تھا جس میں انہوں نے اعلان کیا تھا کہ وہ جلد پاکستان کا دورہ کریں گے۔
