کراچی: اسٹیٹ بینک کا کہنا ہے کہ جنوری 2020 میں حکومتی قرضوں کا حجم 32ہزار997 ارب روپے ریکارڈ کیا گیا۔

تفصیلات کے مطابق اسٹیٹ بینک نے کہا ہے کہ جنوری2019 کے مقابلے میں حکومتی قرض میں 21فیصد اضافہ ہوا۔ مجموعی حکومتی قرضوں میں66فیصد مقامی جبکہ 33فیصد بیرونی قرض شامل ہے۔

ترجمان اسٹیٹ بینک کے مطابق مقامی قرضوں کا حجم 21794 ارب روپے ہے۔ بیرونی قرضوں کا حجم11202ارب روپے ہے۔ سال درسال حکومتی قرض5926ارب روپے بڑھا ہے۔

جنوری 2020 میں اسٹیٹ بینک نے 5 ماہ میں قرضوں میں 344ارب روپے کا اضافہ بتایا تھا۔

یاد رہے کہ جنوری میں وزارتِ خزانہ نے گزشتہ ایک سال میں لیے گئے بیرونی قرضوں پر وضاحت جاری کی تھی، جس میں بتایا گیا تھا وفاقی حکومت نے نومبر 2018 سے نومبر 2019 تک 3674 ارب روپے قرضہ حاصل کیا۔