ریاض : سعودی حکومت کی جانب سے شہریوں کو کورونا وائرس سے بچاؤ کیلئے مفت ہینڈ سینیٹائزر تقسیم کیے جارہے ہیں، ریاض میونسپلٹی کی جانب سے25مقامات پر سینیٹائزر دیے گئے۔
تفصیلات کے مطابق ریاض میونسپلٹی کی جانب سے شہر کے 25 مختلف مقامات میں شہریوں اور یہاں مقیم غیر ملکیوں میں سینیٹائرز کی مفت تقسیم کیے گئے۔
سعودی ذرائع ابلاغ کے مطابق میونسپلٹی نے کہا ہے کہ گورنر ریاض شہزادہ فیصل بن بندر بن عبد العزیز کی ہدایت پر شہر بھر میں سینیٹائرز کی مفت تقسیم جاری رہے گی۔
میونسپلٹی حکام نے کہا ہے کہ میونسپلٹی کی لیبارٹری میں ہینڈ سینیٹائزر کی وافر مقدار تیار کرلی گئی ہے ، ہینڈ سینیٹائزرکی مفت تقسیم کا سلسلہ شہر بھر میں جاری رہے گا، ہماری کوشش ہوگی کہ زیادہ سے زیادہ لوگوں تک اسے پہنچایا جائے۔
مزید پڑھیں : ماسک کیسے تیار کیے جاتے ہیں؟ سعودی حکام نے ویڈیو جاری کردی
واضح رہے کہ سعودی عرب میں کورونا وائرس کے باعث ملک میں بھر میں سینیٹائرز اور ماسک کی طلب میں کئی گنا اضافہ ہو گیا ہے۔
