کھٹمنڈو: کروناوائرس کے باعث نافذ العمل لاک ڈاؤن کے دوران نپال میں بے قابو گینڈے نے افرا تفری مچادی، سڑکوں پر سناٹا دیکھ کر گینڈا چہل قدمی کرنے لگا۔
غیرملکی خبررساں ادارے کی رپورٹ کے مطابق بھارتی محکمہ جنگلات کے افسر پروین کسوان نے سماجی رابطے کی ویب سائٹ ٹوئٹر پر ایک ویڈیو شیئر کی جس میں دیکھا جاسکتا ہے کہ نپال کی سڑک پر گینڈا بڑے رعب سے چہل قدمی کررہا ہے۔ اس دوران مذکورہ گینڈے نے اپنے راستے میں آنے والے شہری پر حملے کی بھی کوشش کی۔
دنیا بھر کی طرح نپال میں بھی کروناوائرس کے باعث لاک ڈاؤن ہے۔ حکومت نے ایک ہفتے کے لیے لاک ڈاؤن کا اعلان کیا تاہم حالات کی سنگینی کو دیکھتے ہوئے اسے 15 اپریل تک کافذ رکھنے کا فیصلہ کیا ہے۔
وبا کی وجہ سے خالی سڑکوں پر شیر نکل آیا
اسی ضمن میں سڑکیں خالے ہونے کے باعث جنگل جھاڑیوں سے جانور سڑکوں پر دندناتے پھر رہے ہیں۔ اس سے قبل بھی کئی ملکوں میں جانور بڑے شاہراہوں پر نظر آئے۔ خیال رہے کہ گینڈے کی وائرل ہونے والی ویڈیو پر صارفین دلچسپ تبصرے کرتے نظر آئے۔ ایک صارف نے لکھا کہ ’ گینڈا لاک ڈاؤن کی صورت حال کا جائزہ لینے آیا ہے‘‘۔
So this #rhino thought to take things in his own hand. Went for an inspection. Btw rhino venturing out from forest happens a lot, even without lockdown. Forward. pic.twitter.com/Ck1sft3Emb
— Parveen Kaswan, IFS (@ParveenKaswan) April 6, 2020
