گجرات: بھارتی شہر کی سڑکوں پر کرونا کی وبا سے پھیلے ہوئے سناٹے کو دیکھ کر جنگل کا شیر بھی باہر نکل کر چہل قدمی کرنے لگا۔
تفصیلات کے مطابق بھارتی شہر گجرات کے علاقے گیر میں سڑکوں پر ایک شیر نکل آیا، جسے دیکھ کر لوگ خوف زدہ ہو گئے، شیر خالی سڑکوں پر اطمینان کے ساتھ چہل قدمی کرتا رہا۔
امریکا: چڑیا گھر کے شیر کا کرونا ٹیسٹ بھی مثبت آگیا
ایک بھارتی فاریسٹ سروس افسر نے اپنے ٹویٹر اکاؤنٹ پر شیر کی چہل قدمی کی ویڈیو شیئر کرتے ہوئے کہا کہ کرونا وائرس کے مقابلے میں یہ وجہ لوگوں کو گھروں میں رہنے پر زیادہ مجبور کرے گی۔
Another night at Ambardi, Gir.
It’s not Corona virus that is searching for u on the roads, something bigger is on the prowl.
Stay home stay safe🙏( credit- Keval Patel) pic.twitter.com/gIzk7sl2EI
— Susanta Nanda IFS (@susantananda3) April 6, 2020
محکمہ جنگلات کی افسر سوزنتا نندا نے بتایا کہ یہ ویڈیو گیر کے علاقے میں ایک شہری نے بنائی تھی جب اس نے اپنے گھر کی کھڑکی سے ایک شیر کو چہل قدمی کرتے دیکھا۔ سوزنتا نے لکھا کہ گھر سے باہر نکلنے پر آپ کرونا وائرس کو نہیں بلکہ اس سے زیادہ بڑی چیز کو پائیں گے، اس لیے گھروں پر ہی رہیں تاکہ محفوظ رہیں۔
