بیجنگ / برلن : چین میں بدھ کے روز کورونا وائرس کے 62 نئے کیسز سامنے آئے ہیں اس کے علاوہ جرمنی میں متاثرین کی تعداد بڑھ کر 10 لاکھ 7 ہزار 659 ہو گئی ہے۔
تفصیلات کے مطابق چین میں بدھ کے روز کورونا وائرس کے 62 نئے کیسز سامنے آئے ہیں جن میں 52 بیرونی ہیں، اس حوالے سے چین کے قومی صحت کمیشن نے کہا ہے کہ تین نئے اندرونی کیسز درج کئے گئے ہیں جن میں دو شوڈنگ صوبے کے اور ایک گوانگڈونگ صوبے کا ہے جبکہ چین میں دو افراد کی موت ہوئی ہے، ایک شخص شنگھائی میں اور دوسرا ہوبئی صوبے میں ہلاک ہوا۔
علاوہ ازیں دوسری جانب جرمنی میں کورونا وائرس کے متاثرین کی تعداد بڑھ کر 10لاکھ 7 ہزار659 ہو گئی ہے جبکہ اب تک 1،814 افراد ہلاک ہو چکے ہیں۔
جرمن کے مقامی ٹی وی چینل کے مطابق کورونا وائرس متاثرین کی تعداد مقامی وقت کے مطابق منگل 8 بج کر 25 منٹ کے قریب 103،036ہو گئی تھی۔
میڈیا کے مطابق اب تک ملک میں کل33،000 افراد اس بیماری سے مکمل طور صحتیاب ہو چکے ہیں۔ کورونا وائرس نے ابھی تک سب سے زیادہ متاثر امریکہ کو کیا ہوا ہے، امریکہ میں اب تک کرونا سے 12 ہزار سے زائد افراد ہلاک ہو چکے ہیں جبکہ چار لاکھ سے زائد افراد متاثر ہیں۔
کورونا وائرس سے متاثر ہونے کے بعد لوگ صحتیاب بھی ہو رہے ہیں، ابھی تک 3 لاکھ 1 ہزار سے زائد افراد نے اس وائرس کا مقابلہ کیا ہے۔
اس کے علاوہ امریکہ کے بعد اسپین، اٹلی اور پھر جرمنی میں سب سے زیادہ کورونا وائرس متاثرین دیکھے گئے ہیں۔ وہیں بھارت میں کورونا وائرس سے متاثرین کی تعداد میں مسلسل اضافہ دیکھا جا رہا ہے، اب تک 5 ہزار سے زائد کیسز سامنے آئے ہیں جب کہ 149 افراد اس وائرس سے ہلاک ہوچکے ہیں۔
