جینیوا: عالمی ادارہ صحت کے سربراہ ڈاکٹر ٹیڈروس نے اپیل کی ہے کہ امریکا اور چین کروناوائرس کے خلاف مل کر لڑیں، جی20 اور پوری دنیا کو اس جنگ میں ساتھ دینا ہوگا۔
تفصیلات کے مطابق اپنے ایک بیان میں ڈبلیو ایچ او کے سربراہ کا کہنا تھا کہ کووڈ 19کو سیاسی طور پر استعمال نہ کیا جائے، وائرس کو سیاست زدہ کرنے کے بجائے کورنٹائن کریں۔
انہوں نے کہا کہ عالمی سطح پر یکجتی کا مظاہرہ کرکے کرونا کو شکست دی جاسکتی ہے۔ ڈریں اثنا ٹیڈروس نے ٹرمپ کی تنقید کے بعد ڈبلیوایچ او کو کرونا وبا سے نمٹنے میں امریکی امداد پر شکریہ بھی ادا کیا۔
کروناوائرس: چین اور امریکا ایک بار پھر آمنے سامنے
ان کا کہنا ہے کہ سردجنگ میں 2عالمی قوتوں نے اسمال پاکس کے خاتمے پر کام کیا دنیا اسمال پاکس جیسا المیہ دوبارہ دیکھنا نہیں چاہے گی، یکجہتی سے ہی 10سال میں اسمال پاکس کا خاتمہ ہوا ہے۔
ڈی جی عالمی ادارہ صحت کا مزید کہنا تھا کہ کروناوائرس خطرناک ہے، سب کو یکجہتی کامظاہرہ کرنا ہوگا، مجھے سیاہ فام ہونے پر فخرہے، ذاتی تنقید سے فرق نہیں پڑتا، جب ایک طبقے اور افریقہ کو نشانہ بنایا گیا تو یہ ناقابل برداشت تھا۔
