لندن: قومی ادارہ شماریات کا کہنا ہے کہ برطانیہ میں کرونا سے ہلاکتیں 15 فیصدبڑھ گئیں ، گزشتہ ہفتے جاں بحق ہونے والوں میں 46.6 فیصد لندن میں ریکارڈ ہوئیں۔
تفصیلات کے مطابق برطانیہ میں کرونا سے ہلاکتوں سے متعلق قومی ادارہ شماریات نے اعداد و شمار جاری کردیئے ، جس میں بتایا گیا کہ برطانیہ میں کرونا سے ہلاکتیں 15% بڑھ گئیں، تین اپریل تک 5058 افراد ہسپتالوں سے باہر کرونا سے موت کا شکار ہوئے جبکہ 11329 افراد ہسپتالوں کے اندر جاں بحق ہوئے۔
قومی ادارہ شماریات کا کہنا تھا کہ اب تک کرونا سے ہلاک ہونے والوں کی تعداد 16387 ہے ، گزشتہ ہفتے جاں بحق ہونے والوں میں 46.6 فیصد لندن میں ریکارڈ ہوئیں۔
خیال رہے دنیابھرمیں کوروناوائرس سے تباہی مچادی ہے ، ایک لاکھ 20 ہزارسےزائد افرادجان سےگئے جبکہ متاثرین کی تعداد انیس لاکھ پچیس ہزار سے تجاوز کر گئی ہے۔
یورپ ،برطانیہ اور امریکا سب سے زیادہ متاثر ہے، اٹلی میں ہلاکتیں 20 ہزارہوگئیں،اسپین میں 18 ہزار،فرانس میں 14 ہزاراموات ہوئیں، فرانس میں لاک ڈاؤن گیارہ مئی تک بڑھا دیا گیا جبکہ اسپین،اٹلی اور فرانس میں وائرس کازورٹوٹنے لگا۔
کینیڈامیں پچیس ہزار،روس میں اٹھارہ ہزار ،اسرائیل میں گیارہ ہزارمتاثرہیں جبکہ جنوبی کوریا میں ایک سو بارہ افراد میں دوبارہ وائرس کی تشخیص ہوئی۔
