کراچی: معاون خصوصی برائے اطلاعات فردوس عاشق اعوان نے کہا ہے کہ وزیراعظم عمران خان کا کل دورۂ کراچی شیڈول نہیں ہے جبکہ گورنر سندھ عمران اسماعیل نے کہا کہ وزیر اعظم جمعے کو اندرونِ سندھ کا دورہ کریں گے۔
سماجی رابطے کی ویب سائٹ ٹویٹر پر فردوس عاشق اعوان کا کہنا تھا کہ وزیراعظم عمران خان کاکل کراچی کادورہ شیڈول نہیں ہے، اس حوالے سے جب بھی فیصلہ ہوگا میڈیا کو آگاہ کردیا جائے گا۔
دوسری جانب گورنر سندھ عمران اسماعیل نے کہا ہے کہ وزیراعظم عمران خان جمعے 17 اپریل کو سندھ کے شہر سکھر، لاڑکانہ اور جیکب آباد کا دورہ کر کے کرونا وائرس کے حوالے سے ہونے والے اقدامات کا جائزہ لیں گے۔
وزیراعظم عمران خان کا کل کراچی کا دورہ شیڈول نہیں ہے- ان کے کراچی دروے کے پروگرام کے حوالے سے میڈیا کو آگاہ کیا جائے گا۔#PMIK
— Dr. Firdous Ashiq Awan (@Dr_FirdousPTI) April 15, 2020
سماجی رابطے کی ویب سائٹ پر عمران اسماعیل کا کہنا تھا کہ چیف سیکریٹری سندھ احساس ایمرجنسی کیش پروگرام کے حوالے سے اٹھائے جانے والے اقدامات پر وزیراعظم کو بریفننگ دیں گے۔ گورنر سندھ نے بتایا کہ وزیراعظم عمران خان اگلے مرحلے میں کراچی کا دورہ کریں گے۔
قبل ازیں خبر سامنے آئی تھی کہ وزیراعظم عمران خان جمعرات یعنی کل کراچی کا ایک روزہ دورہ کریں گے جہاں وہ گورنر سندھ اور تحریک انصاف کے رہنماؤں سے اہم ملاقاتیں کریں گے۔
PM Khan @ImranKhanPTI to visit Sukkur, Larkana and Jacobabad on Friday, 17th April in order to monitor Covid 19 Situation in Sindh. CS to brief on Sindh situation. Briefing on Ehsas emergency cash program. He will visit Karachi in next phase.
— Imran Ismail (@ImranIsmailPTI) April 15, 2020
ذرائع کا کہنا تھا کہ وزیراعظم عمران خان گورنر ہاؤس میں کرونا ٹاسک فورس کے ساتھ اہم اجلاس منعقد کریں گے جس میں وزیراعلیٰ سندھ سید مراد علی شاہ اور صوبائی کابینہ کے اراکین شرکت کریں گے۔
