اسلام آباد : معاون خصوصی زلفی بخاری کی کوششوں سے وزیراعظم کورونا ریلیف فنڈ میں بڑی کمپنیاں تعاون کیلئے تیار ہے، ٹیلی نار کے سی او اے نے امدادی چیک وزیراعظم کو پیش کیا۔
تفصیلات کے مطابق وزیراعظم کورونا ریلیف فنڈ کےلئے عطیات کی فراہمی کا سلسلہ جاری ہے، معاون خصوصی زلفی بخاری کی کوششوں سے بڑی کمپنیاں بھی تعاون پر تیار ہے۔
وزیراعظم عمران خان سے سیلولر کمپنی ٹیلی نار کے سی ای اوعرفان وہاب کی ملاقات ہوئی ، ملاقات میں معاون خصوصی زلفی بخاری اور فیصل جاوید بھی ملاقات میں شریک تھے۔
سی ای او ٹیلی نار نے ریلیف فنڈ کا امدادی چیک وزیراعظم کو پیش کیا، ٹیلی نار نے مجموعی طورپر 1.6 ارب روپے امدادی پیکج کااعلان کیا ہے، جس پر وزیراعظم عمران خان کی جانب سے امدادی پیکج کے اعلان کا خیر مقدم کیا گیا۔
Thankyou @irfanwahabkhan & @telenorpakistan for the generosity.
Telenor has contributed 50 Million to PM @ImranKhanPTI’s Corona Relief Fund & will support PM’s Covid Relief SMS Code ‘6677’.
Each SMS from Telenor users will now add Rs20 to #COVID Fund. #Pakistanis4Pakistanis https://t.co/SetxzxE2Gf— Sayed Z Bukhari (@sayedzbukhari) April 20, 2020
وزیراعظم نےمشکل وقت میں بڑی کمپنیوں کی جانب سے عطیات کی فراہمی کو سراہا اور عزم کا اظہار کیا کہ فنڈنگ سےحاصل رقم عوام کیلئےصحت سہولتوں پرخرچ کریں گے۔
گزشتہ روز انگلش بسکٹس مینوفیکچررکمپنی کی جانب سےبھی10کروڑ کاعطیہ دیا گیا، معاون خصوصی زلفی بخاری کے مزید ملٹی نیشنل کمپنیوں سے رابطے جاری ہے، آئندہ چند دنوں میں بڑے پیمانے پر مزید رقم کورونافنڈ میں جمع کرائی جائے گی۔
یاد رہے کرونا وبا سے نمٹنے کے لیے وفاقی اور صوبائی سطح پر فنڈ قائم کیا گیا ہے جس میں مخیر حضرات سے عطیات جمع کرانے کی اپیل کی گئی تھی، گزشتہ روز سیلولر کمپنی جاز موبی لنک کے چیف ایگزیکٹو آفیسر عامر ابراہیم نے بھی وزیر اعظم کرونا ریلیف فنڈ میں 5 کروڑ روپے کا چیک دیا تھا۔
