اشتہار

10 سالہ بچے نے اغوا کی کوشش کیسے ناکام بنائی

اشتہار

حیرت انگیز

نیویارک: امریکی ریاست آرکانساس میں 10 سالہ بچے نے اپنی اور 3 سالہ بچی کی اغوا کی کوشش ناکام بنا دی۔

تفصیلات کے مطابق امریکی ریاست آرکانساس کے شہر گوسنل میں رہنے والے ڈلاس کلاؤڈ نے بتایا کہ 24 اپریل کی صبح وہ اپنے دوستوں کے ساتھ گھر کے باہر کھیل رہے تھے کہ ایک سفید کار ان کے گھر کے پاس آئی جس میں سے عورت نکلی اور اسے اور تین سالہ لڑکی کو اغوا کرنے کی کوشش کی۔

ڈلاس کا کہنا تھا کہ اغوا کار خاتون نے اسے زبردستی کار میں بٹھانے کی کوشش کی تاہم وہ اسے لات مار کر بھاگنے میں کامیاب رہا لیکن اس نے 3 سالہ لڑکی کو اٹھا لیا۔

- Advertisement -

اغوار کار خاتون کی شناخت اسٹیفنی پرائس کے نام سے ہوئی ہے جو جائے وقوعہ سے فرار ہونے میں کامیاب ہوگئی تھی لیکن بعد میں اسے گرفتار کر لیا گیا۔خاتون کے خلاف اغوا برائے تاوان کا مقدمہ درج کر لیا گیا۔ خاتون کو 3900 ڈالر کے بانڈ پر رہا کیا گیا ہے۔

امریکا میں بچوں کو اغوا کرنے والا اسکول بس ڈرائیور گرفتار

یاد رہے کہ رواں سال 7 جنوری کو امریکا میں پولیس نے بچوں کو اغوا کرنے اور نازیبا حرکات کرنے سمیت متعدد جرائم میں ملوث 57 سالہ اسکول بس ڈرائیور تھامس ایلن ولیمز کو گرفتار کیا تھا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں