اسلام آباد: آن لائن ویڈیو شیئرنگ ویب سائٹ یوٹیوب کی چیف ایگزیکٹیو آفیسر نے پاکستان کو پچاس لاکھ ڈالر امدادی پیکج دینے کا اعلان کردیا۔
نمائندہ اے آر وائی نیوز کی رپورٹ کے مطابق وزیراعظم عمران خان کویوٹیوب کی سی ای او کا خط موصول ہوا جس میں انہوں نے کرونا وائرس کی صورتحال پروزیراعظم کے حالیہ اقدامات کی تعریف کی۔
یوٹیوب نے کرونا وائرس کے حوالے سے کیے جانے والے اقدامات پر پاکستان کو 50 لاکھ ڈالر امدادی پیکج دینے کا اعلان کیا۔ اس موقع پر چیف ایگزیکٹیو آفیسر کا کہنا تھا کہ کرونا وباسےنمٹنےکیلئے مشترکہ کوششیں ضروری ہیں۔
یاد رہے کہ کرونا وائرس کے حوالے سے پاکستان نے بروقت اقدامات اٹھائے جن کو عالمی سطح پر بہت زیادہ پذیرائی ملی، عالمی اداروں نے وزیراعظم عمران خان کے تمام اقدامات کی تعریف کی۔
واضح رہے کہ کرونا لاک ڈاؤن کے دوران یومیہ اجرت کمانے یا غریب افراد کی امداد کے لیے وزیراعظم عمران خان نے احساس پروگرام کا اجرا کیا ہے جس کے تحت ضرورت مندوں کو فی کس 12 ہزار روپے فراہم کیے جارہے ہیں، علاوہ ازیں وزیراعظم نے کرونا ریلیف فنڈز کا اعلان بھی کیا جس میں پاکستانی بڑھ چڑھ کر عطیات جمع کرا رہے ہیں۔
یاد رہے کہ یکم مئی کو سینیٹر فیصل جاوید خان نے سماجی رابطے کی ویب سائٹ پر اپنے ایک ٹویٹ میں بتایا تھا کہ کرونا ریلیف فنڈ میں اب تک تین ارب بائیس کروڑ روپے سے زائد رقم جمع ہوچکی ہے۔
PM Relief Fund touches the 3 Billion Mark Masha’ALLAH. So far Rs 3,022 million have been deposited in PM’s COVID19 Relief Fund.Hats off to your Generosity & Jazba for contributing towards this grt cause.Together we can & Together we must #KeepContributing#PakistanTheMostGenerous
— Faisal Javed Khan (@FaisalJavedKhan) April 30, 2020
