کراچی: پاکستانی شوبز انڈسٹری کی معروف اداکارہ سجل علی کا کہنا ہے کہ وہ آج کل کتوں سے ڈرنے کے خوف پر قابو پانے کی کوشش میں مصروف عمل ہیں۔
تفصیلات کے مطابق پاکستانی ڈرامہ انڈسٹری کی معروف اداکارہ سجل علی نے سماجی رابطے کی ویب سائٹ انسٹاگرام پر ایک تصویر شیئر کی جس میں وہ ایک کتے سے کھیل رہی ہیں۔
تصویر کے کیپشن میں سجل علی نے لکھا کہ ’وہ کتوں سے ہمیشہ خوفزدہ رہی ہیں لیکن اب وہ کتوں سے ڈرنے کے خوف پر قابو پانے کی کوشش کررہی ہیں۔
اداکارہ کا کہنا تھا کہ کتوں سے خوف اب بھی برقرار ہے لیکن انہوں ںے یہ محسوس کیا ہے کہ ایک بار آپ اس جانور کو سمجھنے کی کوشش کریں اور انہیں اپنا دوست تسلیم کریں تو ان سے بہتر کوئی نہیں ہے۔
کرونا وائرس کے حوالے سے سجل علی کا کہنا تھا کہ ایسے وقت میں برائے مہربانی یہ یاد رکھیں کہ ہمیں ایک دوسرے سے حسن سلوک سے پیش آنا چاہئے۔ اداکارہ نے اپنے پیغام میں گھروں میں رہنے اور محفوظ رہنے کا بھی کہا۔
