مسکولک: یورپی ملک ہنگری میں بہادر بس ڈرائیور نے معمر خاتون کو ڈاکو کے ہاتھوں لٹنے سے بچا لیا، ڈرائیور فلمی انداز میں اپنی بس سے اترا اور چور کو بھاگنے پر مجبور کردیا۔
غیرملکی میڈیا رپورٹ کے مطابق یہ واقعہ ہنگری کے شہر مسکولک میں پیش آیا، چور نے راہ چلتی بوڑھی خاتون پر حملہ کیا اور اس کے ہاتھوں سے بیگ چھیننے کی کوشش کی دریں اثنا ضعیف عورت نے بھی سخت مزاحمت کی۔
اتفاقاً بس ڈرائیور جائے وقوعہ پر پہنچ گیا اور اپنی بس روک کر خاتون کی مدد کی۔ ڈرائیور کے دھکا دینے اور سخت مزاحمت کرنے پر لٹیرا فرار ہوگیا، بعد ازاں معمر عورت کو اپنی بس میں بیٹھا کر اسے منزل تک پہنچایا۔
پولیس نے کارروائی کرتے ہوئے 27 سالہ ملزم کو شناخت کرکے گرفتار کرلیا۔
Bus driver pulls over and chases off mugger after spotting him trying to snatch elderly woman’s bag https://t.co/nXUSZvdHe3 pic.twitter.com/iurVU7xf0o
— Daily Mail Online (@MailOnline) June 15, 2020
