لندن:17 منزلہ عمارت میں آتشزدگی،18 افراد زخمی

لندن: برطانوی دارالحکومت لندن میں 17 منزلہ عمارت میں آگ لگنے سے 18 افراد زخمی ہوگئے۔

تفصیلات کے مطابق جنوبی لندن کے علاقے میں واقع 17 منزلہ رہائشی عمارت میں آگ لگ گئی جس کے نتیجے میں 18 افراد زخمی ہوگئے۔پولیس حکام کے مطابق حادثے میں زخمی ہونے والے افراد کو طبی امداد کے لیے اسپتال منتقل کر دیا گیا۔

آگ لگنے کی اطلاع ملنے پر فائر بریگیڈ کے اہلکار جائے وقوعہ پر پہنچے، 60 فائر فائٹر اور 8 فائر انجن آگ بجھانے کے عمل میں مصروف ہیں۔

فائر بریگیڈ حکام نے بتایا کہ 17 منزلہ عمارت کے گراؤنڈ فلور کے فلیٹ میں لگنے والی آگ پر قابو پا لیا گیا ہے، آگ لگنے کی وجہ معلوم نہ ہوسکی، اس حوالے سے تحقیقات جاری ہیں۔

Comments