کیلی فورنیا: امریکی ریاست کیلی فورنیا میں مسلح شخص کی فائرنگ سے ایک شخص ہلاک جبکہ 4 افراد زخمی ہوگئے۔
تفصیلات کے مطابق امریکی ریاست کیلی فورنیا کے شہر ریڈ بلف میں وال مارٹ کمپنی میں مسلح شخص نے گھس کر اندھا دھند فائرنگ کی جس کے نتیجے میں ایک شخص ہلاک جبکہ 4 زخمی ہوگئے تاہم پولیس کی جوابی کارروائی میں حملہ آور بھی مارا گیا۔
پولیس حکام نے بتایا کہ حملہ آور وال مارٹ کمپنی کا سابق ملازم ہے، جس کی عمر 31 تھی تاہم ابھی تک فائرنگ کی وجہ سامنے نہیں آسکی، پولیس کا کہنا ہے کہ واقعے کی تحقیقات جاری ہیں۔
کینیڈا میں فائرنگ سے پولیس افسر سمیت 16 افراد ہلاک
اس سے قبل رواں سال اپریل میں کینیڈا کے مشرقی صوبے نووا اسکوشیا میں کرونا وائرس بحران کے دوران بھی فائرنگ کا افسوس ناک واقعہ پیش آیا جس کے نتیجے 16 افراد جان کی بازی ہار گئے تھے۔
یاد رہے کہ رواں سال فروری میں امریکی ریاست کیلی فورنیا میں مسلح شخص نے لاس اینجلس جانے والی بس پر فائرنگ کر دی تھی جس کے نتیجے میں خاتون ہلاک اور پانچ افراد زخمی ہوگئے تھے۔
