کراچی: قومی ٹیم کے سابق اسٹار آل راؤنڈر شاہد خان آفریدی نے کرونا وائرس کو شکست دے دی۔
تفصیلات کے مطابق قومی کرکٹ ٹیم کے سابق کپتان شاہد آفریدی کرونا وائرس سے صحت یاب ہوگئے، آفریدی میں گزشتہ ماہ 13 جون کو کرونا وائرس کی تشخیص ہوئی تھی جس کے بعد انہوں نے خود کو قرنطینہ کرلیا تھا۔
شاہد آفریدی نے سماجی رابطے کی ویب سائٹ ٹویٹر پر اپنی چھوٹی بیٹی کے ہمراہ تصویر شیئر کی اور مداحوں کو اپنی صحتیابی سے متعلق آگاہ کیا۔
شاہد آفریدی کا کہنا تھا کہ الحمدللہ، اللہ کا شکر ہے میری اہلیہ اور بیٹیاں اقصیٰ اور انشا نے کرونا کے سابقہ مثبت نتائج کے بعد دوبارہ ٹیسٹ کرائے اور وہ منفی آئے ہیں۔
Alhamdulillah, my wife & daughters, Aqsa & Ansha have re-tested after our previously positive results for #COVIDー19, & are now clear. Thanking u all for your continuous well wishes, & may the Almighty bless you and yours. Now back to family time; I’ve missed holding this one 😊 pic.twitter.com/J5mDv7DnBD
— Shahid Afridi (@SAfridiOfficial) July 2, 2020
سابق کپتان نے مداحوں کی جانب سے دعائیں کرنے پر شکریہ ادا کرتے ہوئے کہا کہ اللہ تعالیٰ آپ سب کو سلامت رکھے۔
واضح رہے کہ شاہد آفریدی کرونا وائرس سے متاثر ہونے والے متوسط طبقے کی مدد کے لیے بھی پیش پیش رہے، ان کی جانب سے غریبوں میں راشن بھی تقسیم کیا گیا تھا۔
آفریدی پانچویں کرکٹر تھے جو کرونا میں مبتلا ہوئے اس سے قبل جنوبی افریقہ کے سولو نقویتی اور سابق اوپنر توفیق عمر بھی اس وائرس کا شکار ہوگئے تھے۔
اپریل میں پاکستان کے سابق فرسٹ کلاس کرکٹر ظفر سرفراز کا 50 سال کی عمر میں پشاور میں انتقال کرگئے تھے ، جبکہ اسکاٹ لینڈ کے ماجد حق نے بھی بتایا تھا کہ وہ کرونا میں مبتلا ہوگئے ہیں۔