اسلام آباد: وزیراعظم عمران خان نے کہا ہے کہ ترقی یافتہ ممالک کی سفری پابندیوں کی وجہ سے معیشت پر منفی اثرات ہیں۔
تفصیلات کے مطابق وزیراعظم عمران خان نے ڈی جی ورلڈ ہیلتھ آرگنائزیشن ڈاکٹر ٹیڈروس اذانوم کے ساتھ ویڈیو کانفرنس میں کرونا وائرس کی روک تھام میں پاکستان کی جانب سے پیشرفت پر غور کیا۔ڈبلیو ایچ او نے کرونا کے خلاف جنگ میں حکومت پاکستان کے اقدامات کو سراہا۔
اس موقع پر وزیراعظم عمران خان کا کہنا تھا کہ معیشت اور نظام زندگی میں توازن سے مثبت نتائج برآمد حاصل ہوئے،بین الاقوامی برادری کی مدد کرنے پر عالمی ادارہ صحت کے کردار کو سراہتے ہیں۔
وزیراعظم کا کہنا تھا کہ ہیلتھ کیئر سہولتوں کے؛ لیے سائنسی بنیاد پر اعداد وشمار پر مبنی حکمت عملی پرعمل پیرا ہیں۔
وزیراعظم پاکستان نے کہا کہ ترقی یافتہ ممالک کی سفری پابندیوں کی وجہ سے معیشت پر منفی اثرات ہیں،عالمی ادارہ صحت پاکستان و دیگر ترقی پذیر ممالک کے لیے سفری پابندیوں کے خاتمے میں کردار ادا کرے۔
عوام کو سستی اور ماحول دوست بجلی فراہم کرنے کے لیے کوشاں ہیں، وزیراعظم
اس سے قبل وزیراعظم عمران خان کا کہنا تھا کہ ہائیڈرو پاور پروجیکٹ سے سستی بجلی پیدا کرنے میں مدد ملےگی، حکومت عوام کوسستی اور ماحول دوست بجلی فراہم کرنے کے لیے کوشاں ہیں۔
