پشاور : خیبرپختونخوا حکومت خواتین کو آن لائن جدید ٹیکنالوجی کی تربیت دینے کا منصوبہ تیار کرلیا، میٹرک، ایف اے یا بی اے پاس خواتین پروگرام کا حصہ بن سکتی ہیں۔
تفصیلات کے مطابق خیبرپختونخوا حکومت نے خواتین کے لئے ایک احسن اقدام اٹھایا اور آئی ٹی بورڈ نے 3ہزار خواتین کو جدید ٹیکنالوجی کی تربیت دینے کا منصوبہ تیار کرلیا۔
مشیر وزیراعلیٰ کے پی ضیا اللہ بنگش نے کہا پہلے مرحلے میں 500خواتین کی آن لائن تربیت شروع کردیا ہے ، کے پی کی خواتین اس پروگرام سے مستفید ہوسکتی ہیں۔
Empowering Women through digital skills development, @ZiaBangashPTI launched KPITB’s women-centric capacity building project. KP govt ensuring that women has necessary digital skills to succeed in today’s technology-driven world. #DigitalKP pic.twitter.com/TU1lL3OfFM
— KP ST&IT Department (@KPSTITOfficial) July 10, 2020
ضیا اللہ بنگش کا کہنا تھا کہ میٹرک، ایف اے یا بی اے پاس خواتین پروگرام کا حصہ بن سکتی ہیں، تربیتی پروگرام بین الاقوامی امدادی اداروں کی معاونت سے شروع کیا گیا ، خواتین گھر بیٹھ کر آن لائن پروگرام کی فارم پر کرسکتی ہیں۔
خیال رہے کے پی آئی ٹی صوبے میں آئی ٹی اور آئی سی ٹی کے فروغ کے لئے ایک خودمختار سرکاری ادارہ ہے ، جو کے پی اسمبلی کے ایک ایکٹ کے تحت سنہ 2011 میں قائم کیا گیا تھا۔
