امریکا میں ایک خاتون نے نشے کی حالت میں 3 سالہ بچے کو گردن سے پکڑ کر سوئمنگ پول میں پھینک دیا، خوش قسمتی سے بچہ محفوظ رہا۔
یہ واقعہ امریکی شہر سینٹ پیٹرز برگ میں پیش آیا جہاں پولیس نے خاتون کو چائلڈ ابیوز کے الزام میں گرفتار کیا۔
پولیس کا کہنا ہے کہ 33 سالہ ایشٹن ہیڈنز اس وقت نشے کی حالت میں تھیں جب وہ اپنی حوالگی میں موجود ایک 3 سالہ بچے کو سوئمنگ پول کے قریب لے گئیں۔
پولیس کے مطابق بچے نے ان سے کہا کہ مجھے تیرنا نہیں آتا جس کے بعد خاتون نے بچے کو گردن سے پکڑا اور سوئمنگ پول میں پھینک دیا۔
میڈیکس کی جانچ کے دوران بچے کی گردن پر ناخنوں کے نشانات بھی پائے گئے۔
پولیس کا کہنا ہے کہ مذکورہ خاتون کا تعلق امریکی ریاست پنسلوینیا سے ہے جو کام کے سلسلے میں سینٹ پیٹرز برگ آئیں۔ دوران حراست انہوں نے پولیس سے تعاون بھی نہیں کیا۔
واقعے میں بچہ خوش قسمتی سے محفوظ رہا جو اس وقت اسپتال میں زیر علاج ہے۔
