اسلام آباد: معاون خصوصی برائے صحت ڈاکٹر ظفر مرزا کی صوبوں سے پولیو مہم کی کامیابی کے لیے بھرپور تعاون کی اپیل کی ہے۔
تفصیلات کے مطابق معاون خصوصی ڈاکٹر ظفرمرزا نے صوبائی وزرائےصحت کے نام مراسلہ لکھا ہے جس میں انہوں نے صوبوں سے پولیو مہم کی کامیابی کے لیے بھرپور تعاون کی اپیل کی ہے۔
صوبائی وزرا کو لکھے گئے مراسلے میں کہا گیا ہے کہ حکومت انسداد پولیو کے لیے سیاسی اختلافات سے قطع نظر کام کر رہی ہے،صوبائی چیف سیکرٹریز خصوصی انسداد پولیو مہم کی ازخود نگرانی کریں۔
مراسلے میں ڈاکٹر ظفر مراز نے کہا کہ منتخب عوامی نمائندوں کو پولیو مہم میں خصوصی طور پر شریک کیا جائے،کرونا کے باعث پولیو کے خلاف جاری مؤثر اقدامات متاثر ہوئے۔
4 ماہ کے وقفے کے بعد ملک میں 5 روزہ انسداد پولیو مہم کا آغاز
یاد رہے کہ گزشتہ روز 4 ماہ کے وقفے کے بعد ملک میں انسداد پولیو مہم کا آغاز ہوگیا ، کراچی، کوئٹہ، فیصل آباد، اٹک اور جنوبی وزیرستان میں انسداد پولیومہم جاری ہے، مہم میں 8 لاکھ بچوں کو پولیو سے بچاؤ کے قطرے پلائے جائیں گے۔
