پشاور: صوبہ خیبرپختونخوا حکومت نے عید الاضحیٰ کی تین روزہ تعطیلات کا اعلان کردیا۔
اے آر وائی نیوز کی رپورٹ کے مطابق خیبرپختونخوا حکومت نے عید الاضحیٰ کی تین روزہ چھٹیوں کا اعلان کردیا جس کا اعلامیہ بھی جاری کردیا گیا ہے۔
اعلامیے کے مطابق حکومت خیبرپختونخوا کے ماتحت تمام اداروں میں عید الاضحیٰ کی چھٹیاں 31 جولائی بروز جمعہ سے 2 اگست بروز اتوار تک ہوں گی۔
- Advertisement -
مزید پڑھیں: سندھ حکومت کا عید الاضحیٰ کی تعطیلات کا اعلان
اعلامیے کے مطابق خیبرپختونخوا میں تمام سرکاری ادارے پیر 3 اگست سے معمول کے مطابق کھلیں گے۔
واضح رہے کہ اس سے قبل وفاقی حکومت کی جانب سے تین چھٹیوں کا اعلان کیا گیا ہے جبکہ پنجاب حکومت نے بھی وفاق کے نقش قدم پر چلنے کا فیصلہ کیا تھا اور تین چھٹیوں کا اعلان ہی کیا تھا۔
